ناڵه‌ی یادگارییه‌كان و هیوا نمایشكران

چه‌ند چالاكییه‌كیان ئه‌نجامدا

له‌ژێر چاودێری سه‌رۆكی ئه‌نجومه‌نی نوێنه‌ران و له‌ ساڵیادی هه‌ردوو راپه‌ڕینی شه‌عبانییه‌ و كاره‌ساتی هه‌ڵه‌بجه‌، فه‌رمانگه‌ی راگه‌یاندنی ئه‌نجومه‌نی نوێنه‌ران بانگهێشتی به‌ڕێوه‌به‌رایه‌تی به‌شی سینه‌مای سه‌ر به‌ وه‌زاره‌تی رۆشنبیریان كردو چه‌ند چالاكییه‌كیان ئه‌نجامدا.

چالاكییه‌كانیش پێكهاتبوو له‌ نمایشكردنی دوو فیلم به‌ناوه‌كانی (ناڵه‌ی یادگارییه‌كان) و (هیوا).
فیلمی (ناڵه‌ی یادگارییه‌كان)، گوزارشت ده‌كات له‌ ئێش و ئازاره‌كانی كه‌سوكاری شه‌هیدانی راپه‌ڕینی شه‌عبانییه‌و گۆڕه‌ به‌كۆمه‌ڵه‌كان. هه‌روه‌ها فیلمی (هیوا)، گوزارشت له‌ یه‌كڕیزی و برایه‌تی نێوان پێكهاته‌كانی گه‌لی عیراق ده‌كات.

به‌شێكی تری چالاكییه‌كانیش كردنه‌وه‌ی پێشانگایه‌كی تایبه‌ت بوو به‌ وێنه‌ی فۆتۆگرافی و به‌ڵگه‌نامه‌كان له‌ لۆبی كۆشكی كۆنگره‌كان. هه‌روه‌ها به‌شێك له‌ فه‌رمانبه‌رانی سه‌ر به‌و به‌ڕێوه‌به‌رایه‌تییه‌ش خه‌ڵاتی رێزلێنانیان پێبه‌خشرا.

PUKmedia  تایبه‌ت