رێگای كه‌ركوك - تكریت كۆنتڕۆڵكرا

كێڵگه‌ نه‌وتییه‌كانی ناحیه‌ی عه‌له‌م كۆنتڕۆڵ كرانه‌وه‌

هێزه‌ ئه‌منییه‌كان كێڵگه‌ نه‌وتییه‌كانی ناحیه‌ی عه‌له‌میان كۆنتڕۆڵكردۆته‌وه‌و له‌ ئێستاشدا رێگای سه‌ره‌كی كه‌ركوك- تكریت له‌ ژێر كۆنتڕۆڵی هێزه‌ ئه‌منییه‌كاندایه‌.

سه‌رچاوه‌یه‌كی ئه‌منی ئه‌مڕۆ 3-3-2015، به‌  PUKmedia ی راگه‌یاند: هێزه‌ هاوبه‌شه‌كانی سوپاو حشدی شه‌عبی و ئه‌ندامی هۆزه‌ عه‌شایه‌ره‌كانی ناوچه‌كه‌

 له‌ هێرشه‌كانیاندا بۆ كۆنتڕۆڵكردنه‌وه‌ی ناوچه‌كانی تكریت و ده‌وروبه‌ری توانیویان كۆنتڕۆڵی كێڵگه‌ نه‌وتییه‌كانی ناحیه‌ی عه‌له‌م بكه‌نه‌وه‌.

ئه‌و سه‌رچاوه‌یه‌ ئاشكرایشیكرد، پێشڕه‌وی هێزه‌ ئه‌منییه‌كان بۆ كۆنتڕۆڵكردنه‌وه‌ی ناوچه‌كانی تری تكریت به‌رده‌وامه‌و له‌ ئێستاشدا رێگای سه‌ره‌كی كه‌ركوك- تكریت له‌ژێر كۆنتڕۆڵی هێزه‌ ئه‌منییه‌كانی عیراقدایه‌.

PUKmedia