چه‌ندین ناوچه‌ی تكریت له‌ داعش پاككراونه‌ته‌وه‌

چه‌ندین ناوچه‌ی تكریت له‌ داعش پاككراونه‌ته‌وه‌

هێزه‌ ئه‌منیه‌كانی عیراق ژماره‌یه‌ك ناوچه‌ی تر له‌ پارێزگای سه‌ڵاحه‌دین ئازاد ده‌كه‌ن.

سه‌رچاوه‌یه‌كی ئه‌منی ئه‌مڕۆ 3-3-2015، هێزه‌ هاوبه‌شه‌كانی سوپاو پۆلیس و حشد شه‌عبی له‌ هه‌ڵمه‌ته‌كانیاندا بۆ ئازادكردنی ناوچه‌كانی تكریت توانیویانه‌ ناوچه‌ی عۆجه‌ی باشوری تكریت و گوندی گسه‌یبه‌ له‌ رۆژهه‌ڵاتی له‌ تیرۆرستانی داعش پاك بكه‌نه‌وه‌.

ئه‌و سه‌رچاوه‌یه‌ ئاماژه‌ی به‌وه‌داوه‌، هێزه‌ ئه‌منییه‌كان توانیویانه‌ ناوچه‌ی ناعیمه‌ی رۆژهه‌ڵاتی شاری تكریت و روباری ره‌ساسی و ناوچه‌ی سیفونات له‌ رۆژهه‌ڵاتی قه‌زای سامه‌ڕا كۆنتڕۆڵ بكه‌نه‌وه‌.

PUKmedia