وەزیری خوێندنی باڵا:ریزبەندی بۆ زانكۆ حكومی و ئەهلیەكان دادەنێین
کوردستان 04:12 PM - 2015-03-03دەبێت سەرجەم زانكۆكان سەنتەری لێكۆڵینەوە وەك مەرجێك بكەنەوە
وەزیری خوێندنی باڵاو توێژینەوەی زانستی حكومەتی هەرێمی كوردستان رایگەیاند، 29 زانكۆی حكومی و ئەهلی لە هەرێمی كوردستان هەیە، بۆ دانانی ریزبەندی نیشتمانی بۆ زانكۆ حكومی و ئەهلیەكان، دەبێت هەر زانكۆیەك پابەندبێت بەپێوەرەكانی وەزارەت كە بۆی دیاریكراوە. وتیشی ئامانج لەڕیزبەندی كردنی زانكۆكان دروستكردنی كیبڕكێیە لەنێوان زانكۆكان و بەرزكردنەوەی ئاستیان.
ئەم جەختكردنەوەی د.یوسف گۆران وەزیری خوێندنی باڵا و توێژینەوەی زانستی حكومەتی هەرێمی كوردستان ئەمڕۆ 2015/3/3 لەمیانی بەسەركردنەوەی زانكۆی زاخۆ هات كە بەیاوەری سەرۆكی زانكۆی سۆران سەردانی شاری زاخۆی كردو لەگەڵ ئەنجومەنی زانكۆی زاخۆ كۆبۆوەو دواتریش چەند پرۆژەیەكی كەمپی نوێی زانكۆی زاخۆی بەسەركردەوە كە لەقۆناغی جێبەجێ كردن دایە.
وەزیری خوێندی باڵاو توێژینەوەی زانستی سەرەتا پرۆژەی دروستكردنی بەشە ناوخۆی كچان و كوڕان-ی لە كەمپی زانكۆ بەسەركردەوە كە بەبودجەی نۆ ملیار دینار دروستدەكرێت و لە 98%ی كارەكانی بەكۆتا هاتووەو پێكهاتووە لەشوێنی هەزار خوێندكاری كوڕو كچ، دواتر باڵەخانەی سەرۆكایەتی زانكۆی زاخۆ-ی بەسەركردەوە كە 90%ی كارەكانی تەواو بووە بەبودجەی حەوت ملیار و 100 ملیۆن دینار دروستدەكرێت.
هەر لەسەردانەكەیدا بۆ كەمپی زانكۆی زاخۆ وەزیری خوێندنی باڵا و توێژینەوەی زانستی سەردانی فاكەڵتی و چەند بەشێكی زانكۆكەی كرد كە پێكهاتووە لە سێ فاكەڵتی زانست و زانستە مرۆڤایەتییەكان و ژینگە. بۆ ئەمەش د.یوسف گۆران دوپاتیكردەوە وەزارەتەكەمان گرنگی زۆر دەدات بەزانكۆ تایبەتەكان بەو پێیەی ئاستی زانست و خوێندن لەم زانكۆیانە هیچی كەمتر نیە لە زانكۆی شارەكان. داواشی لە خوێندكاران كرد ببن بەپێشەنگ بۆ زانستەكەیان و ئاستی زانستی زانكۆكەكان بەرزبكەنەوە.
پاشان د.یوسف گۆران وەزیری خوێندنی باڵا و توێژینەوەی زانستی بەئامادەبوونی سەرۆكی زانكۆی زاخۆ سەرپەرشتی كۆبونەوەیەكی ئەنجومەنی زانكۆی زاخۆ-ی كرد، لەكۆبونەوەكەدا وەزیری خوێندنی باڵا و توێژینەوەی زانستی باسی لەگرنگی زانكۆی زاخۆ بۆ خەڵكی زاخۆ و بەرزكردنەوەی ئاستی زانستی لەكوردستان كرد. بۆ ئەمەش تیشكی خستەسەر چەند پرۆژەیەكی وەزارەتەكەی بۆ پێشخستنی ئاستی زانكۆكانی كوردستان بەتایبەت بەرزكردنەوەی ئاستی زانستی مامۆستاو خوێندكاران لە زانكۆكان بەمەبەستی چارەسەركردنی كێشەكانی كۆمەڵگا و ناوەندەكانی خوێندن.
بۆ بەرزكردنەوەی ئاستی كوالێتی زانكۆكانیش وتی: رێنمایمان دەركردوە دەبێت سەرجەم زانكۆكان سەنتەری لێكۆڵینەوە وەك مەرجێك بكەنەوەو نابێت لە ئاستی راگرایەتی كەمتربێت.
بۆ ریزبەندی زانكۆكانیش، د.یوسف گۆران وتیشی: بەمەبەستی بەرزكردنەوەی ئاستی زانستی زانكۆكان ریزبەندی نیشتمانی بۆ سەرجەم زانكۆ حكومی و ئەهلییەكان دەكەین، بەو پێیەش كێبڕكێ لەنێوان زانكۆكان دروست دەبێت بۆ بەرزكردنەوەی ئاستی زانستی و ئەكادیمیان و پێشخستنی پرۆسەی خوێندن.
لەتەوەرێكی تری كۆبونەوەكەی ئەنجومەنی زانكۆی زاخۆ وەزیری خوێندنی باڵا و توێژینەوەی زانستی جەختی لەسەر بەهێزكردنی زمانی ئینگیزی كردەوە لە زانكۆكان بەو پێیەی دەبێت زمانی دەستەبەركردنی زانست بێت، بۆ ئەمەش وتی: دەبێت مامۆستایان و خوێندكارانیش لەسەر فێربوونی زمانی ئینگلیزی رابهێنرێن و سەنتەرەكانی زمانیش لە زانكۆكان رۆڵێكی كاراو دیاریان دەبێت بۆ بەرزكردنەوەی ئاستی زمانی ئینگلیزی.
PUKmedia
هەواڵی زیاتر
-
قوباد تاڵەبانی: هەر رۆژەی بیرخەرەوەی تاوانێکە
01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
12:39 PM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
09:14 AM - 2024-04-24
ئەمانەش ببینە
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
03:28 PM - 2024-04-23
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
11:33 AM - 2024-04-23
زۆرترین خوێنراو
-
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
کوردستان 09:14 AM - 2024-04-24 -
پرسەنامەی قوباد تاڵەبانی بۆ خانەوادەی شێخ محەمەد عەزیز رەسوڵ
پرسەنامە 09:16 PM - 2024-04-23 -
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
کوردستان 07:37 PM - 2024-04-23 -
پرسەنامەی شاڵاو کۆسرەت رەسوڵ بۆ خانەوادەی مامۆستا جەمال هیدایەت
پرسەنامە 06:36 PM - 2024-04-23 -
خەڵاتی زێڕینی بلە بە 10 کەسایەتی نمونەیی بەخشرا
کوردستان 04:30 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
کوردستان 04:11 PM - 2024-04-23