هاوپه‌یمانان 9 هێرشی نوێیان بۆسه‌ر داعش راگه‌یاند

زه‌بری كوشنده‌ له‌ داعش وه‌شێنراوه‌

هێزه‌كانی هاوپه‌یمان 9 هێرشی نوێیان بۆسه‌ر مۆڵگه‌و باره‌گاكانی رێكخراوی تیرۆرستی داعش له‌ عیراق و سوریا راگه‌یاند.

له‌به‌یاننامه‌یه‌كدا هێزه‌كانی هاوپه‌یمانی نێوده‌وڵه‌تی دژی داعش به‌سه‌رۆكایه‌تی ئه‌مریكا ئه‌مڕۆ 3-3-2015، رایگه‌یاند: فڕۆكه‌ جه‌نگییه‌كانی هاوپه‌یمانان 4 هێرشی ئاسمانیان بۆسه‌ر مۆڵگه‌و باره‌گاكانی رێكخراوی تیرۆرستی داعش له‌ سوریا ئه‌نجامداوه‌و زۆربه‌ی هێرشه‌كانیش له‌ ناوچه‌كانی دیرزورو كۆبانێ و ده‌وروبه‌ری ئه‌نجامدراون.

هه‌رله‌و به‌یاننامه‌یه‌دا ئاماژه‌به‌وه‌دراوه‌، فڕۆكه‌ جه‌نگییه‌كانی هاوپه‌یمانان 5 هێرشی ئاسمانیان بۆسه‌ر مۆڵگه‌و باره‌گاكانی رێكخراوی تیرۆرستی داعش له‌ عیراق ئه‌نجادراوه‌و هێرشه‌كانیش له‌ناوچه‌كانی ئه‌سه‌د و باشوری كه‌ركوك و موسڵ ئه‌نجامدراون، هێرشه‌كانیش چه‌ندین بنكه‌و باره‌گای داعشی تێكشكاندوه‌و به‌وهۆیه‌شه‌وه‌ به‌ده‌یان تیرۆرستی داعش كوژراون.

PUKmedia رۆیته‌رز