ئه‌نبار.. له‌بۆردومانێكی سوپادا ده‌یان داعش ده‌كوژرێن

چه‌ندین سه‌ركرده‌ی داعش له‌ناو كوژراوه‌كاندایه‌

له‌ئه‌نجامی بۆردومانی فڕۆكه‌ جه‌نگییه‌كان له‌رۆژئاوای ئه‌نبار 40 تیرۆرستی داعش كوژران.

شێخ عاشور حمادی فه‌رمانده‌ی هێزه‌كانی سه‌حوه‌ ئه‌مڕۆ 26-1-2015 رایگه‌یاند: فڕۆكه‌ جه‌نگییه‌كانی سوپای عیراق كۆبونه‌وه‌یه‌كی چه‌كدارانی گروپی تیرۆریستی داعش ده‌كه‌نه‌ ئامانج له‌قه‌زای قائم له‌ رۆژئاوای ئه‌نبار له‌ئاكامی بۆردومانه‌كه‌ 40 چه‌كداری تیرۆرستی داعش ده‌كوژرێت.

حمادی وتیشی: فڕۆكه‌ جه‌نگییه‌كان له‌و بۆردومانه‌دا كۆمه‌ڵێك سه‌ركرده‌ی سه‌ربازی دیاری داعش  ده‌كه‌نه‌ ئامانج ئه‌مه‌ش له‌كاتێكدا بوه‌ تیرۆریستان له‌كۆبونه‌وه‌دابوون بۆ مه‌به‌ستی دانان و دیاری كردنی والی قه‌زای حه‌ویجه‌.

PUKmedia