به‌نه‌خشه‌.. بزانه‌ داعش له‌كوێی شاری كۆبانێیه‌

له‌ماوه‌ی 24 سه‌عاتی رابردوودا زیاتر له‌ 50 تیرۆرست كوژراون

هێزه‌كانی یه‌په‌گه‌ و یه‌په‌ژه‌ له‌ رۆژهه‌ڵاتی شاری كۆبانێ و له‌گه‌ڕه‌كی كانیاكوردان كه‌ دواهه‌مین گه‌ڕه‌كه‌ به‌ده‌ست تیرۆرستانی داعشه‌وه‌ مابێت گورزێكی گورچكبڕیان له‌ تیرۆرستان وه‌شاندوه‌و ته‌نها دوو كۆڵانيان به‌ده‌سته‌وه‌ ماوه‌.

سه‌رچاوه‌یه‌ك له‌هێزه‌كانی یه‌په‌گه‌ به‌ PUKmediaی راگه‌یاند:  شه‌ڕ له‌گه‌ڕه‌كی كانیاكوردانی رۆژهه‌ڵاتی كۆبانێ به‌رده‌وامه‌ و تیرۆرستانی داعش له‌پاشه‌كشێدان و زیانی گه‌وره‌یان پێشگه‌یشتووه‌، كه‌ له‌ماوه‌ی 24 سه‌عاتی رابردوودا زیاتر له‌ 50 تیرۆرستیان لێكوژراوه‌. 

وتیشی: ته‌واویی كۆڵانه‌كانی گه‌ڕه‌كی كانیاكوردان له‌تیرۆرستانی داعش پاككراونه‌ته‌وه‌ ته‌نها دوو  كۆڵان  نه‌بێت، كه‌له‌ئێستادا شه‌ڕڤانان هێرشێكی به‌رفراوانیان ده‌ستپێكردووه‌و چاوه‌ڕوانده‌كرێت له‌چه‌ند سه‌عاتێكی تردا به‌ته‌واوی گه‌ڕه‌كه‌كه‌ پاكبكه‌نه‌وه‌.

PUKmedia  سامان یاروه‌یس