دیاله‌.. تیرۆرستانی داعش كۆتاییان پێهێنرا

زیاتر له‌ 50 تیرۆرستی داعش كوژراون

له‌ ئۆپراسیۆنێكی سه‌ربازی هێزه‌كانی سوپای عیراق سه‌رجه‌م ئه‌و گوند و ناوچانه‌ له‌تیرۆرستانی داعش پاككرانه‌وه‌ كه‌ له‌باكوری قه‌زای مقدادیه‌ له‌لایه‌ن تیرۆرستانی داعشه‌وه‌ كۆنترۆڵكرابوون و زیاتر له‌ 50 تیرۆرستیش كوژران.

لیوا روكن جه‌میل شومه‌یری فه‌رمانده‌ی گشتی هێزه‌كانی پۆلیسی دیاله‌ له‌وباره‌یه‌وه‌ به‌PUKmediaی راگه‌یاند: له‌ئۆپراسیۆنه‌ به‌رفراوانه‌كه‌ی سوپای عیراق هه‌موو ئه‌و گوندانه‌ی كه‌ له‌لایه‌ن تیرۆرستانی داعشه‌وه‌ كۆنترۆڵكرابوون  پاككراونه‌ته‌وه‌ زیاتر له‌ 50 تیرۆرستی داعش كوژراون.

وتیشی: دواهه‌مین شوێن كه‌تیرۆرستانی داعش تێیدابوون ناوچه‌یی مه‌نسوریه‌ ئه‌لجه‌به‌لبووه‌ له‌باكوری مقدادیه‌ كه‌ زیاتر له‌ 35 تیرۆرستی تێدا كوژراوه‌ و چوار ئۆتۆمبێلی سه‌ربازیش سوتێنراون.

لیوان روكن جه‌میل شومه‌یری رونیشكرده‌وه‌: هێزه‌كانی سوپا له‌رێگه‌ی  تیمه‌كانی پوچه‌ڵكردنه‌وه‌ی بۆمب رێگه‌ی ئه‌و گوندانه‌ پاككده‌كرێنه‌وه‌ كه‌تیرۆرستانی داعش به‌ته‌واوی بۆمبڕێژیكردن و هه‌روه‌ها گه‌ڕان و پشكنین له‌چه‌ند گوندێك بۆ ده‌ستگیركردنی ژماره‌یه‌ك داواكراو كه‌ په‌یوه‌ندیان له‌گه‌ڵ تیرۆرستان هه‌بووه‌ ده‌ستی پێكردوه‌و ژماره‌یه‌كیان لێده‌ستگیركراوه‌.

PUKmedia  سامان یاروه‌یس