هه‌وڵێك بۆ ناردنه‌ ده‌ره‌وه‌ی بڕێكی زۆر پاره‌ به‌قاچاغ پوچه‌ڵده‌كرێته‌وه‌

له‌لایه‌ن ده‌سته‌ی نه‌زاهه‌وه‌ ئاشكراكراوه‌

ده‌سته‌ی نه‌زاهه‌ی عیراق هه‌وڵێكی بۆ به‌قاچاغ بردنی 580 ملیۆن دینار بۆ ده‌ره‌وه‌ی وڵات پوچه‌ڵكرده‌وه‌ .

ده‌سته‌ی نه‌زاهه‌ی عیراق له‌به‌یاننامه‌یه‌كدا ئه‌مڕۆ 25-1-2015 رایگه‌یاند: تیمه‌كانی نوسینگه‌ی گشتی وه‌زاره‌تی دارایی عیراق توانیویانه‌ به‌بڕیارێكی دادگا ده‌ست به‌سه‌ر 580 ملیۆن دیناردا بگرن كه‌ ویستراوه‌ به‌ شێوه‌ی قاچاغ له‌ رێگه‌ی ده‌روازه‌ی سنوری تریبیل-ه‌وه‌ بنێرێته‌ ده‌ره‌وه‌ی عیراق.

هه‌ر له‌و به‌یاننامه‌یه‌دا ئاماژه‌ به‌وه‌دراوه‌، تیمه‌كانی چاودێری وه‌زاره‌تی دارایی پشت به‌ست به‌ زانیاری وردی هه‌واڵگری و چاودێری رایانگه‌یاندوه‌ ئه‌و بڕه‌ پاره‌یه‌ له‌ناو ئۆتۆمبێلێكی بارهه‌ڵگردا شاردراوه‌ته‌وه‌و له‌خاڵی سنوری تریبیل ئاشكرا كراوه‌و ده‌ستی به‌سه‌ردا گیراوه‌.

PUKmedia