سلێمانی.. پڕۆژه‌یه‌كی بازرگانی هه‌لی كار بۆ هاووڵاتیان ده‌سته‌به‌رده‌كات

ته‌لاری پارك تاوه‌ر كرایه‌وه‌

 ئێواره‌ی ئه‌مڕۆ 22-12-2014، له‌ مه‌راسیمێكی تایبه‌تدا ته‌لاری پارك تاوه‌ر به‌ئاماده‌بوونی پارێزگاری نوێ و پارێزگاری پێشووی سلێمانی و سه‌رۆكی ئه‌نجومه‌نی پارێزگای سلێمانی كرایه‌وه‌.

له‌وباره‌یه‌وه‌ د. ئاسۆ فه‌ره‌یدون پارێزگاری نوێی سلێمانی له‌وته‌یه‌كیدا رایگه‌یاند: كرنه‌وه‌ی ئه‌م پڕۆژه‌یه‌ هه‌نگاوێكی گرنگه‌ بۆ جوانتركردنی سیمای شاری سلێمانی و كه‌مكردنه‌وه‌ی جه‌نجاڵی ناو بازاڕه‌كان و سودی بازرگانی ده‌بێت .

هه‌روه‌ها ئاماژه‌ی به‌وه‌كرد، كردنه‌وه‌ی كرنه‌وه‌ی له‌م جۆره‌ پڕۆژانه‌ كه‌ ده‌بێته‌ سه‌نته‌رێك بۆپته‌وبوونی په‌یوه‌ندی كۆمه‌ڵایه‌تی و نزیكبوونه‌وه‌ی هاووڵاتیان له‌یه‌كتری.

وتیشی: كردنه‌وه‌ی ئه‌م جۆره‌ پڕۆژانه‌ چه‌ندین هه‌لی كار بۆ هاووڵاتیان ده‌سته‌به‌ر ده‌كات، كه‌سودو به‌رژه‌وه‌ندی ئابووری بۆ شاره‌كه‌مان ده‌بێت.

شایه‌نی باسه‌ پڕۆژه‌ی پارك تاوه‌ر ده‌كه‌وێته‌ سه‌ر شه‌قامی خاك و ته‌نیشت یانه‌ی كۆمه‌ڵایه‌تی، پێكهاتووه‌ له‌ چه‌ند نهۆمێك و كه‌ چه‌ندین ماركێت و سۆپه‌رماركێت و مۆڵ و كافێتریا له‌ خۆده‌گرێت.

PUKmedia سه‌فین ئه‌حمه‌د