زنجیره‌یه‌ك ته‌قینه‌وه‌ گه‌ڕه‌كی عه‌سكه‌ری خورماتوو ده‌هه‌ژێنێت

زیانی زۆری ماددی به‌ر خه‌ڵكی ناوچه‌كه‌ كه‌وتووه‌

به‌هۆی ته‌قینه‌وه‌ی 5 بۆمبی چێنراو له‌گه‌ڕه‌كی عه‌سكه‌ری قه‌زای خورماتوو كه‌سێك شه‌هیدبوو 6 ی تریش برینداربوون.

حه‌سه‌ن بارام جێگری به‌رپرسی بازنه‌ی حه‌مرین به‌وه‌كاله‌ت ئه‌مڕۆ 22-12-2014، به‌ PUKmedia ی راگه‌یاند: ئه‌مشه‌و له‌ گه‌ڕه‌كی عه‌سكه‌ری قه‌زای خورماتوو له‌نزیك بازاڕی رۆكانی ئه‌و قه‌زایه‌ 5 بۆمبی چێنراو ته‌قیه‌وه‌و به‌هۆیه‌وه‌ كه‌سێك شه‌هیدوبوو 6 ی تریش برینداربوون.

ئه‌و سه‌رچاوه‌یه‌ وتیشی: ته‌قینه‌وه‌كان له‌ به‌رده‌م ماڵه‌كانی ئه‌و گه‌ڕه‌كه‌ روویانداوه‌و به‌و هۆشه‌یه‌وه‌ زیانی زۆری ماددی به‌ر ماڵ و ئۆتۆمبێل و دوكانی ئه‌و گه‌ڕه‌كه‌ كه‌وتووه‌.

ئاماژه‌ی به‌وه‌شدا، دوای ته‌قینه‌وه‌كان هێزه‌ ئه‌منییه‌كان كۆنتڕۆڵی ناوچه‌كه‌یان كردوه‌و برینداره‌كانیش گواستراونه‌ته‌وه‌ بۆ نه‌خۆشخانه‌.

PUKmedia توانا