شه‌نگال.. پێشمه‌رگه‌ له‌ چه‌ندین گه‌ڕه‌ك گه‌مارۆی داعشی داوه‌

زه‌بری كوشنده‌ له‌ داعش دراوه‌

ئێواره‌ی ئه‌مڕۆ شه‌ڕوپێكدادانی قورس له‌ نزیك سه‌نته‌ری قه‌زای شه‌نگال له‌ نێوان هێزه‌كانی پێشمه‌رگه‌ و تیرۆرستانی داعش روویداو هێزه‌كانی پێشمه‌رگه‌ زه‌بری كوشتنده‌یان له‌ تیرۆرستانی داعش گه‌یاندوه‌ و چه‌ندین داعشیان كوشتووه‌ و فڕۆكه‌ جه‌نگییه‌كانی هاوپه‌یمانانیش به‌رده‌وام له‌ بۆردومانكردنی مۆلًَگه‌كانی داعش له‌ ناوچه‌ شه‌نگال.

سه‌رچاوه‌یه‌ك له‌ نزیك هێزه‌كانی پێشمه‌رگه‌ ئێواره‌ی ئه‌مڕۆ 22-12-2014، به‌ PUKmedia ی راگه‌یاند: شه‌ڕوپێكدادانی قورس له‌ نێوان هێزه‌كانی پێشمه‌رگه‌و چه‌وكداره‌ تیرۆرسته‌كانی داعش له‌ نزیك سه‌نته‌ری قه‌زای شه‌نگال روویداو له‌و پێكدادانانه‌دا هێزه‌كانی پێشمه‌رگه‌ زه‌بری كوشنده‌یان گه‌یاندۆته‌ تیرۆستانی داعش و چه‌ندین داعشیان كوشتووه‌.

ئه‌و سه‌رچاوه‌یه‌ وتیشی: فڕۆكه‌ جه‌نگییه‌كانی هاوپه‌یمانان به‌رده‌وامن له‌ بۆردومانی مۆڵگه‌كانی داعش له‌ ناوشه‌نگال داو هێزه‌كانی پێشمه‌رگه‌ش له‌چه‌ندین ناوچه‌و گه‌ڕه‌كی ئه‌و شاره‌وه‌ گه‌مارۆی تیرۆرستانی داعشیان داوه‌.

 PUKmedia زانیار مه‌جید