جبوری ستایشی سه‌ركه‌وتنه‌كانی پێشمه‌رگه‌ ده‌كات

سه‌لیم جبوری پشتگیری بۆ پێشمه‌رگه‌ دووپاتده‌كاته‌وه‌

سه‌رۆكی ئه‌نجومه‌نی نوێنه‌رانی عیراق ستایشی هێزه‌كانی پێشمه‌رگه‌ی كرد بۆ ئازادكردنی ناوچه‌كانی شه‌نگال له‌ده‌ست تیرۆرستانی داعش.

له‌بایاننامه‌یه‌كدا كه‌ كۆپیه‌كی ده‌ست PUKmedia كه‌وتووه‌، سه‌لیم جبوری سه‌رۆكی ئه‌نجومه‌نی نوێنه‌رانی عیراق رایگه‌یاندوه‌، دوای بیستنی سه‌ركه‌وتنه‌كانی پێشمه‌رگه‌ به‌سه‌ر تیرۆرستانی داعش له‌ ناوچه‌كانی شه‌نگال و ئازادكردنی چیای شه‌نگال و ده‌ركردنی تیرۆرستانی داعش له‌و ناوچه‌یه‌ له‌لایه‌ن هێزه‌كانی پێشمه‌رگه‌وه‌ زۆر خۆشحاڵبووم و سوپاسی قاره‌مانێتی و هه‌وڵه‌كانی پێشمه‌رگه‌ ده‌كه‌م بۆ له‌ناوبردنی داعش و ئازادكردنی ئه‌و ناوچانه‌.

هه‌روه‌ها جبوری راشیگه‌یاندوه‌، پشتگیرییه‌كانمان بۆ هه‌وڵه‌كانی هێزی پێشمه‌رگه‌ دووپاتده‌كه‌ینه‌وه‌و ئه‌و سه‌ركه‌وتنانه‌یان لێ پیرۆز ده‌كه‌ین پشت به‌خوای گه‌وره‌ سه‌ركه‌وتنی گه‌وره‌تر به‌دوای خۆیدا ده‌هێنێت.

PUKmedia