نیوه‌ی دانیشتوانی جیهان به‌ده‌ست كه‌می ڤیتامین D وه‌ ده‌ناڵێنن

نیوه‌ی دانشتوانی جیهان له‌ڤیتامینی D بێ به‌شن

به‌پێی تازه‌ترین لێكۆڵینه‌وه‌ی زانستی ته‌ندروستی نیوه‌ی دانشتوانی جیهان له‌ڤیتامینی D بێ به‌شن و لێكۆڵه‌ره‌وان گرنگترین هۆكاریش بۆ ئه‌م كه‌مبوون و بێ به‌شییه‌ له‌و ڤیتامینه‌ بۆ ئاوو هه‌واو گۆڕانكاریه‌ ژینگه‌ییه‌كان ده‌گه‌رێنه‌وه‌ .

زانكۆكانی ئه‌مریكا له‌و باره‌یه‌وه‌ به‌پێی ئه‌و به‌ڵگانه‌ی كه‌ له‌شیكردنه‌وه‌ زانستیه‌كاندا ده‌ستیان كه‌وتووه‌ ئاماژه‌ بۆ ئه‌وه‌ ده‌كه‌ن،  كه‌مبونه‌وه‌ی ئه‌م جۆره‌ ڤیتامینه‌ چه‌ندین نه‌خۆشی كوشنده‌ی به‌دواوه‌یه‌، وه‌كو نه‌خۆشیه‌كانی شێرپه‌نجه‌ و نه‌خۆشی دڵ و سیل و خه‌مۆكی و ئه‌نفلۆنزاو ته‌نانه‌ت تاوه‌كو ئاستی نه‌خۆشی ئۆتیزمیش .

ئه‌وه‌ش ده‌خه‌نه‌روو،  بۆ زیادكردنی ئه‌و ڤیتامینه‌ و به‌ده‌ستهێنانی، له‌وه‌رزی زستاندا  پێویسته‌ هاووڵاتیان هه‌ر له‌ده‌ركه‌وتنی خۆر سود له‌رووناكیه‌كه‌ی وه‌ربگرن و خواردنی هێلكه‌ و ماسی ده‌ریایی و ماسی تون و شیری گامێش ئه‌مانه‌ زۆر سودیان ده‌بێت بۆ زیاتربوونی ئه‌و جۆره‌ ڤیتامینه‌ كه‌ جیهان به‌تایبه‌ت ناوچه‌ سارده‌كان به‌ده‌ستیه‌وه‌ ده‌ناڵێنن.

PUKmedia له‌ئاژانسه‌كانه‌وه‌