ماوه‌ی په‌یوه‌ندیكردن به‌ زانكۆو په‌یمانگاكان درێژده‌كرێته‌وه‌

ده‌وامی ره‌سمی قۆناغی یه‌كه‌م له‌ 13/12/2014ـه‌وه‌ ده‌ستپێده‌كات

له‌ راگه‌یه‌ندراوێكی وه‌زاره‌تی خوێندنی باڵاو توێژینه‌وه‌ی زانستیدا كه‌ كۆپیه‌كی بۆ PUKmedia نێردراوه‌، هاتووه‌، له‌به‌ر به‌رژه‌وه‌ندی گشتی و تێكڕایی خوێندكارانی تازه‌ وه‌رگیراو له‌ زانكۆ و په‌یمانگاكان وه‌زاره‌تی خوێندنی باڵاو توێژینه‌وه‌ی زانستی بڕیاریدرا به‌ درێژكردنه‌وه‌ی ماوه‌ی په‌یوه‌ندیكردن، له‌هه‌مانكاتدا ده‌وامی ره‌سمی قۆناغی یه‌كه‌م له‌ 13/12/2014ـه‌وه‌ ده‌ستپێده‌كات، بۆیه‌ داوا له‌ خوێندكاران ده‌كه‌ین هه‌وڵه‌كانیان چڕبكه‌نه‌وه‌ بۆ ئه‌وه‌ی له‌ ماوه‌ی دیاریكراودا مامه‌ڵه‌كانیان ته‌واوبكه‌ن و په‌یوه‌ندی به‌ زانكۆ و په‌یمانگه‌كانیانه‌وه‌ بكه‌ن، بۆ ئه‌وه‌ی زووتر ده‌ست به‌ خوێندنی وانه‌كانیان بكه‌ن.

ده‌قی راگه‌یه‌ندراوه‌كه‌:
له‌به‌ر به‌رژه‌وه‌ندی گشتی و تێكڕایی خوێندكارانی تازه‌ وه‌رگیراو له‌ زانكۆ و په‌یمانگاكانی هه‌رێمی كوردستان و بۆ ره‌خساندنی ده‌رفه‌تی زیاتر بۆ په‌یوه‌ندیكردنیان به‌ زانكۆ و په‌یمانگاكان كه‌ لێیی وه‌رگیراون، له‌سه‌ر داوای زانكۆكان، وه‌زاره‌تی خوێندنی باڵاو توێژینه‌وه‌ی زانستی بڕیاریدرا به‌ درێژكردنه‌وه‌ی ماوه‌ی په‌یوه‌ندیكردن تا رۆژی پێنجشه‌ممه‌ به‌رواری 18/12/2014، له‌هه‌مانكاتدا ده‌وامی ره‌سمی قۆناغی یه‌كه‌م له‌ 13/12/2014ـه‌وه‌ ده‌ستپێده‌كات.
بۆیه‌ داوا له‌ خوێندكاران ده‌كه‌ین هه‌وڵه‌كانیان چڕبكه‌نه‌وه‌ بۆ ئه‌وه‌ی له‌ ماوه‌ی دیاریكراودا مامه‌ڵه‌كانیان ته‌واوبكه‌ن و په‌یوه‌ندی به‌ زانكۆ و په‌یمانگه‌كانیانه‌وه‌ بكه‌ن، بۆ ئه‌وه‌ی زووتر ده‌ست به‌ خوێندنی وانه‌كانیان بكه‌ن.

PUKmedia  راگه‌یاندنی وه‌زاره‌تی خوێندنی باڵاو توێژینه‌وه‌ی زانستی