كه‌ركوك.. پێشمه‌رگه‌ چه‌ندین هێرشی داعش تێكده‌شكێنێت

تیرۆرستانی داعش له‌ چه‌ند قۆڵێكه‌وه‌ هێرشیان كردووه‌

به‌ره‌به‌یانی ئه‌مڕۆ 26-11-2014، تیرۆرستانی داعش له‌ چه‌ند قۆڵێكه‌وه‌ هێرشیان كردووه‌ته‌ سه‌ر هێزه‌كانی پێشمه‌رگه‌ی كوردستان.

وه‌ستا ره‌سوڵ فه‌رمانده‌ی ژوری ئۆپه‌راسیۆنه‌كانی باشوری كه‌ركوك به‌ PUKmedia ی راگه‌یاند: تیرۆرستانی داعش له‌ سه‌عات 02:30 ده‌قیقه‌ی به‌ره‌به‌یانه‌وه‌ ده‌ستیان كردووه‌ به‌هێرشكردنه‌ سه‌ر هێزه‌كانی پێشمه‌رگه‌ی كوردستان و تا دره‌نگانێكیش شه‌ڕوپێكدادان به‌رده‌وام بووه‌.

وتیشی: ئه‌و هێرشانه‌ی داعش له‌ ناوچه‌كانی ته‌ل ئه‌لوه‌رد و مه‌كته‌ب خالد و ره‌شادو نه‌هره‌وان و مریه‌م به‌گ بووه‌.

راشیگه‌یاند: هێزه‌كانی پێشمه‌رگه‌ی كوردستان ئه‌و هێرشانانه‌یان تێك شكاندووه‌.

PUKmedia   عومه‌ر غه‌ریب