نوێنه‌رانی عیراق چه‌ند پرۆژه‌ یاسایه‌كی گرنگی تاوتوێكرد

خوێندنه‌وه‌ بۆ چه‌ند پڕۆژه‌ یاسایه‌ك ئه‌نجامدرا

له‌ كۆبوونه‌وه‌ی ئه‌نجومه‌نی نوێنه‌رانی عیراق خوێندنه‌وه‌ بۆ چه‌ند پڕۆژه‌ یاسایه‌كی گرنتگ گفتوگۆی له‌باره‌وه‌ كرا.

ئه‌مڕۆ 25-11-2014، ئه‌نجومه‌نی نوێنه‌رانی عیراق له‌ كۆبوونه‌وه‌ی ئاسایی خۆیدا گفتوگۆی له‌سه‌ر چه‌ند پڕۆژه‌ یاسایه‌ك ئه‌نجامدا، له‌و باره‌یه‌وه‌ د. به‌ختیار شاوه‌یس ئه‌ندامی ئه‌نجومه‌نی نوێنه‌رانی عیراق له‌سه‌ر فراكسیۆنی سه‌وز به‌ PUKmedia ی راگه‌یاند: دانیشتنی ئه‌مڕۆی ئه‌نجومه‌نی نوێنه‌رانی عیراق كه‌ دانیشتنی ژماره‌ 31 خولی یه‌كه‌می ئه‌نجومه‌نی نوێنه‌ران بوو، له‌و دانیشتنه‌دا كۆمه‌ڵێك خاڵی گرنگ و پڕۆژه‌ یاسا گفتوگۆی له‌باره‌وه‌ كراو خوێندنه‌وه‌ی یه‌كه‌می بۆ كرا كه‌ گرنگترینیان رێكه‌وتنی بواری ئابوری و وه‌به‌رهێنانی نێوان عیراق و كوه‌یت و عیراق و ئوردن هه‌روه‌ها عیراق.

وتیشی: له‌ كۆبوونه‌وه‌ی ئه‌مڕۆی ئه‌نجومه‌نی نوێنه‌ران بابه‌تێكی نوێی تیا نه‌بوو ته‌نها درێژه‌دان بوو به‌ هه‌ندێ كۆبوونه‌وه‌ی پێشوو دواتریش به‌رنامه‌كانی كۆبوونه‌ی ئه‌نجومه‌نی نوێنه‌رانی عیراق هه‌رڵگیرا بۆ رۆژی پێنج شه‌ممه‌ی داهاتوو.

PUKmedia زانیار مه‌جید