سه‌رۆك كۆمار: كاری جدی ده‌كه‌ین بۆ ره‌واندنه‌وه‌ی مه‌ینه‌تی ئاواره‌كان

سه‌رۆك كۆماری عیراق

 سه‌رۆك كۆمار پێویستی چڕكردنه‌وه‌ی هه‌وڵه‌كان دوپاتده‌كاته‌وه‌ بۆ كه‌مكردنه‌وه‌ی نه‌هامه‌تیی ده‌ربه‌ده‌ربوه‌كان.

ئه‌مڕۆ 25-11-2014، سه‌رۆك كۆمار فوئاد مه‌عسوم له‌ كۆشكی سه‌لام له‌ به‌غدا چاویكه‌وت به‌ داود جندی سه‌لمان و شێخ خدیده‌ موراد  له‌ هێزی پاراستنی شه‌نگال .

له‌و دیداره‌دا بارودۆخی شه‌نگال له‌ هه‌موو روه‌كانی ئه‌منیی و مرۆییه‌وه‌ باسكرا، بارو گوزه‌رانی ئه‌و خه‌ڵكه‌ ده‌ربه‌ده‌ربوه‌ی شه‌نگالیش گفتوگۆی له‌باره‌وه‌كرا كه‌ له‌ بناری چیای شه‌نگال به‌ كوله‌ مه‌رگی و له‌ هه‌لومه‌رجێكی پڕ مه‌ینه‌تیی و كاره‌ساتباردا ده‌ژین.

سه‌رۆك مه‌عسوم رونیكرده‌وه‌ كه‌ ئاگاداری گوزه‌رانی ده‌ربه‌ده‌ربوه‌كانی شه‌نگاله‌و ده‌زانێت له‌ چ حاڵێكدان، پشتیوانی خۆی ده‌ربڕی بۆ ره‌واندنه‌وه‌ی ئه‌و مه‌ینه‌تییه‌ یان به‌و جۆره‌ی كه‌ له‌گه‌ڵ لایه‌نی په‌یوه‌ندیداردا قسه‌ بكات بۆ یارمه‌تیدانیان.

PUKmedia