پڕۆفیسۆرێكی دانیماركی: قاره‌مانێتی گه‌لی كورد له‌كتێبێكدا ده‌نوسمه‌وه‌

" ژنانی كۆبانێ و رۆژئاوا تووشی شۆكیان كردم"

پڕۆفیسۆرێكی دانیماركی كه‌له‌سه‌ردانێكی مه‌یدانیدا رۆژئاوای كوردستانی به‌سه‌ر كرده‌وه‌ رایده‌گه‌یاند " له‌سه‌ردانه‌كه‌مدا بۆم ده‌ركه‌وت گه‌لی كورد گه‌لێكی زۆر قاره‌مان و خۆڕاگره‌، به‌تایبه‌ت ژنانی كۆبانێ و رۆژئاوا تووشی شۆكیان كردم".

پڕۆفیسۆر هیڵتین ئیڤرسۆن مێژوونووس و لێكۆڵه‌رێكی گه‌وره‌ی ده‌نیماركیه‌ له‌وباره‌یه‌وه‌ ئامانجی سه‌ردانه‌كه‌ی بۆ PUKmedia خسته‌ڕوو و وتی: سه‌ردانه‌كه‌م بۆ زانینی كۆمه‌ڵێك راستی بوو كه‌ده‌مێكه‌ به‌رنامه‌ی سه‌ردانم بۆ كوردستان دانابوو، به‌ڵام به‌ده‌ركه‌وتنی قۆناغێكی نوێی مێژووی ئه‌و گه‌له‌ له‌ سوچێكی دابڕێندراو كه‌ئه‌ویش كۆبانێ-یه‌ كه‌ شارێكی مه‌زن و خۆڕاگرو قاره‌مان وای لێكردم سه‌فه‌ره‌كه‌م له‌و خاڵه‌وه‌ ده‌ست پێبكه‌م.

راشیگه‌یاند: ژنانی كورد له‌كۆبانێ و ناوچه‌كانی تری كوردستانی رۆژئاوا تووشی سه‌رسورمانیان كردم، ئه‌وان چه‌كی قورس ده‌خه‌نه‌ سه‌رشانه‌كانیان و مناڵه‌كانیان جێده‌هێڵن بۆ به‌رگریكردن له‌نیشتمانه‌كه‌یان و روبه‌ڕوی ئاگرو قینی پڕ دوژمنكارانه‌ی تیرۆرستانی دژ به‌مرۆڤایه‌تی ده‌بنه‌وه‌و له‌شوێنی ته‌واوی مرۆڤایه‌تی شه‌ڕده‌كه‌ن.

رونشیكرده‌وه‌: ته‌واوی ئه‌و قاره‌مانی و گه‌وره‌ی گه‌لی كوردو به‌تایبه‌ت ژنانی كورد له‌بیر ناكه‌م و ده‌ینوسمه‌وه‌و له‌چوارچێوه‌ی كتێبێكی مێژوویدا به‌ته‌واوی جیهاندا بڵاوی ده‌كه‌مه‌وه‌.
پرۆفیسۆر هیڵتین ئیڤرسۆن  نیگه‌رانی خۆی ده‌ربڕی له‌و دۆخه‌ ئابوریه‌ ناهه‌مواره‌ی له‌ رۆژئاوای كوردستاندا هه‌یه‌ و باس له‌وه‌ش ده‌كات به‌زووترین ئه‌و كێشه‌یه‌ به‌رای گشتی له‌ وڵاته‌كه‌مدا ده‌گه‌یه‌نم و داوای ده‌كه‌م هه‌رچی زووه‌ به‌هانای ئه‌م گه‌له‌ تێكۆشه‌ره‌ بێن.

ئه‌و پڕۆفیسۆره‌ له‌دوا وت دانیماركیه‌ له‌ دوا وته‌كانیدا ووتی: كاتێك ده‌مبیست ژنانی كورد له‌كۆبانێ واشه‌ڕده‌كه‌ن وه‌كو خه‌ون وابوو له‌لام ، به‌ڵام كه‌به‌چاوی خۆم بینیم راستی گه‌وره‌ی ژنم بۆ ده‌كه‌وت و تاوێك زۆر خه‌مباربووم بۆ ئه‌و هه‌موو زوڵمه‌ی له‌م میلله‌ته‌ كراوه‌.

PUKmedia سامان یاروه‌یس