لە یۆنان یادی رۆژی شەهیدی یەکێتی بەرز راگیرا

کۆمیتەی یۆنان لە بارەگای کۆمیتە مەراسیمێکی شایستە رێکخرا

ئەمڕۆ 22-11-2014 لە مەراسیمێکی پڕشكۆدا بۆ بەرزراگرتنی یادی رۆژی شەهیدی  یەکێتيی نیشتیمانيی کوردستان کۆمیتەی یۆنان لە بارەگای کۆمیتە لە ئەسینا بە ئامادەبوونی بەرپرسی کۆمیتەی رێکخستن و کارگێڕان و نوێنەری لایەنە سیاسیەکان و هەندێک لە کەسایەتی کورد مەراسیمێکی شایستەی ساز کرد.

مەراسیمەکە بە شێوەیەکی تایبەت و بە چەند ساتێک وەستان بۆ گیانی پاکی شەهیدان دەستی پێکردوو بە سرودی نەتەوەیی ئەی رەقیب و مارشی مەشخەڵان و ئاڵای کوردستان و لۆگۆی یەکێتيی نیشتیمانيی کوردستان داگیرا بۆ رێز لێنان لە گیانی پاکی شەهیدانی یەکێتی و کوردو کوردستان.

دواتر رەوا حەمە بەپرسی کۆمیتە وتاریکی پێشکەش کردو بە ناوی ناوەندی دەرەوەی یەکێتيی نیشتیمانيی کوردستان و کۆمیتەی یۆنانەوە بەخێرهاتنی گەرمی میوانەکانی کردو سوپاسی ئامادەبوونی هەموولایەکی کردو بە دروشمی کەم ژیان و کەڵ ژیان دەستی بە ثصشكةشكردني وتارەکەی کردو بەڵێنی رێکخستنەکانی یەکێتی لە یۆنان بۆ درێژە پێدان بە رێبازی پیرۆزی شەهیدان و جەنابی مام جەلال دووپاتکردەوەو دواتر نوێنەری لایەناکان و سیاسیەکان لە یۆنان بە وتەکانیان رۆژی شەهیدی یەکێتیان بەرز نرخاندو بە تایبەت هەڵوێستی یەکێتی بەرامبەر بارودۆخی ئێستا لە باشورو رۆژئاواو باکوری کوردستان، دواتر لە لایەن بەشی راگەیاندن و روناکبیری کۆمیتەی یۆنانەوە پێشانگایەیکی تایبەت بە شەهیدانی یەکێتيی نیشتیمانيی کوردستان نمایش کرا کە تێیدا داستانە نەبەردەکانی یەکێتی تێدا دەردەکەوت.

PUKmedia   تايبەت