موچەی خانەنشینانی هەرێم زیاد دەكرێت
kurdistani 08:27 PM - 2014-11-20خانەنشینی وەزیرو پەرلەمانتارو پلە تایبەتەكان نامێنێت
بۆ زیادكردنی موچەی خانەنشینان لیژنەی پەرلەمانی كوردستان بەپشتبەستن بەو یاسایەی بۆ زیادكردنی موچەی خانەنشینان لەلایەن پەرلەمانی عیراقەوە پەسەندكرا خوێندنەوەی بۆ پرۆژە یاسایەك كردوە بەپێی پرۆژەكەش موچەی خانەنشینی وەزیرو پەرلەمانتارو پلە تایبەتەكان نامێنێت ئەگەر تەمەنیان نەگەیشتبێتە 63 ساڵان.
د.عیزەت سابیر سەرۆكی لیژنەی ئابوری و وەبەرەێنانی پەرلەمانی كوردستان بە PUKmediaی راگەیاند:وەك لیژنەكەیان پێنج كۆبوونەوەیان لەسەر ئەو یاسایە كردوە كە لەلایەن پەرلەمانی عیراقەوە بۆ زیادكردنی موچەی خانەنشیان پەسەندكراو پرۆژە یاسایەكی تریان لێ ئامادەكردوە كە لەگەڵ هەرێم دەگونجێت، بۆ ئەو مەبەستەش لەگەڵ شارەزایانی بواری خانەنشینی و وەزارەتی دارایی راپۆرتی خۆیان كۆتایی پێهێناوەو پرۆژە یاساكەش لەگەڵ بارودۆخی ئەمڕۆی هەرێمدا گونجاندویانە، ئەوەی لەسودی خانەنشیان بێت وەك خۆی لەیاساكەی بەغدا وەریانگرتوە.
وتیشی: ماددەی 37و 38ی یاسای خانەنشینی كە لەلایەن ئەنجومەنی نوێنەرانەوە پەسەندكراوەو پەیوەندی بەموچەی خانەنشینی وەزیرو پەرلەمانتارو پلە باڵاو تایبەتەكانەوە هەیەو دادگای فیدراڵی پەسەندی نەكردوە، ئێمە گۆڕانكاریمان تێدا كردوەو گونجاندومانە تا موچەی خانەنشینی پەرلەمانتارو وەزیرو پلە باڵاكان لەهەرێم زۆر جیاواز نەبێت لەموچەی خانەنشینانی تر، كەمترین موچەی خانەنشینانمان بە 400 هەزار دینار داناوە.
باسی لەوەشكرد دوای پەسەندكردنی ئەو پرۆژە یاسایە ئەوە نامێنێت كە پەرلەمانتار بەزیاتر لە شەشە ملیۆن دینار خانەنشین بێت، ئەگەر تەمەنی 63 ساڵی تەوا نەكردبێت ئەوا خانەنشین نابێت و مافی هەیە بگەڕێتەوە سەر كارەكەی خۆی، هەروەها دەتوانێت بگەڕێتەوە سەر كارەكەی خۆی بەموچەی خانەنشینی پەرلەمانتاری، لەگەڵ چەند خاڵێكی تر كە دادپەروەری بۆ كۆمەڵگا دەگەڕێنێتەوە، باسیشمان لەوەكردوە كەسێك كۆچی دوایكرد خانەنشینیەكەی بەكێ بدرێت.
د.عیزەت سابیر ئەوەشی خستەڕوو كە پرۆژەكە خوێندنەوەی یەكەمی بۆ كراوەو دواتریش راپۆرتیان لەسەر پرۆژەكە داوەتە سەرۆكایەتی پەرلەمان و دەبێت بۆچونی حكومەتیشی لەسەر وەربگیرێت، چونكە دوای پەسەندكردنی ئەوكاتە حكومەت ئەركی دارایی دەكەوێتە سەرشان و دەبێت پارەی بۆ تەرخان بكات، وتی: ئەگەر حكومەت رەزامەندی لەسەر دەربڕێت ئەوا سندوقێكی خانەنشینی دادەمەزرێنرێت و ئەنجومەنێكیشی بۆ دادەنرێت و پێدانی موچەی خانەنشیان لەكۆڵ حكومەت و وەزارەتی دارایی دەبێتەوەو موچەی خانەنشیان لەو سندوقە دەدرێت، ئەو پارەیەشی لەنێو سندوقەكەدا دەبێت دەتوانرێت بۆ پرۆژەی وەبەرهێنان سودی لێوەربگیرێت و داهاتی سندوقەكە زیاد دەكات.
لەبارەی جێبەجێكردنی ئەو یاسای خانەنشینەی پەرلەمانی عیراق پەسەندیكردوە لەهەرێم، رایگەیاند:یاساكەی نوێنەران هەندێك خاڵی تێدایە ئەگەر لەهەرێم جێبەجێبكرێت زۆر توێژی ئێمە زیانی پێدەگات، بەڵام لەنێو پرۆژەكەی خۆماندا كە گۆڕانكاریمان تێداكردوە نەمانهێتشوە هیچ توێژێك زیانی بەربكەوێت.
PUKmedia گۆران وەهاب
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19