موچه‌ی فه‌رمانبه‌رانی وه‌زاره‌تێك زیاد ده‌كرێت

موچه‌ی وه‌زاره‌ته‌كانی شاره‌وانی عیراقه‌و ته‌واوی پارێزگاكان ده‌گرێته‌وه‌

وه‌زاره‌تی شاره‌وانیه‌كانی عیراق رایده‌گه‌یه‌نێت "به‌پشت به‌ستن به‌سالاَنی خزمه‌ت و كاركردن موچه‌ی فه‌رمانبه‌رانی پله‌ 10 به‌ره‌و خواره‌وه‌ زیاد ده‌كرێت و ته‌واوی پارێزگاكانی عیراق ده‌گرێته‌وه‌".

زیاد  به‌غدادی به‌ڕێوبه‌ری گشتی دارایی له‌وه‌زاره‌تی شاره‌وانیه‌كانی عیراق به‌ ئاژانسی (IMN)ی راگه‌یاندووه‌: وه‌زاره‌ته‌كه‌یان چاوه‌ڕوانی جێگركردنی بودجه‌یه‌ له‌لایه‌ن ئه‌نجومه‌نی نوێنه‌رانه‌وه‌ بۆ جێبه‌جێكردنی بڕیاری زیادكردنی موچه‌ی فه‌رمانبه‌رانی پله‌ 10 به‌ره‌و خواره‌وه‌.

به‌غدادی ئاماژه‌ی بۆئه‌وه‌شكردوه‌ كه‌ بڕیاری زیادكردنی موچه‌ی فه‌رمانبه‌رانی وه‌زاره‌تی شاره‌وانیه‌كان به‌غدادی پایته‌خت و ته‌واوی پارێزگاكانیش ده‌گرێته‌وه‌، به‌مه‌رجێك پله‌كانیان له‌ 10 به‌ره‌و خواره‌وه‌ بێت به‌پشت به‌ستن به‌ ساڵانی خزمه‌تیان.

PUKmedia تایبه‌ت