riklam

له‌ چیای شه‌نگال داعش گورزی توندی به‌رده‌كه‌وێت

kurdistani 11:01 AM - 2014-10-31
زیاتر له‌ 15 په‌لاماری تیرۆستان له‌لایه‌ن هێزه‌كانی سه‌رچیاكه‌وه‌ تێكشكێنراون

زیاتر له‌ 15 په‌لاماری تیرۆستان له‌لایه‌ن هێزه‌كانی سه‌رچیاكه‌وه‌ تێكشكێنراون

له‌ماوه‌ی 24 سه‌عاتی رابردوودا له‌ سنوری قه‌زای شه‌نگال و له‌سه‌ر چیای شه‌نگال زیاتر له‌ 15 په‌لاماری تیرۆستان له‌لایه‌ن هێزه‌كانی سه‌رچیاكه‌وه‌ تێكشكێنراون و زیانی زۆریش به‌ر تیرۆرستان كه‌وتووه‌و زیاتر له‌ سێ هه‌زار هاووڵاتی ئێزدیش له‌سه‌ر چیای شه‌نگالن و پێویستیان به‌هاوكاری مرۆییه‌.

سه‌رچاوه‌یه‌كی ئاگادار له‌ ناوچه‌كه‌ به‌ PUKmedia ی راگه‌یاند: زیاتر له‌ هه‌فته‌یه‌كه‌ تیرۆرستانی داعش ده‌یانه‌وێت چه‌ند ناوچه‌یه‌ك له‌سه‌ر چیای شه‌نگال داگیربكه‌ن و بۆئه‌و مه‌به‌سته‌ش به‌رده‌وام په‌لامار ده‌ده‌ن، به‌ڵام روبه‌ڕووی وه‌ڵامی توندی هێزه‌كانی به‌رخودان و هێزه‌كانی پاراستنی شه‌نگال و هێزه‌كانی تر بوونه‌ته‌وه‌و تێكشكاون.

ئه‌و سه‌رچاوه‌یه‌ وتیشی: له‌ماوه‌ی 24 سه‌عاتی رابردوودا تیرۆرستانی داعش زیاتر له‌ 15 جار په‌لاماری چیای شه‌نگالیان داوه‌، به‌ڵام هه‌موو په‌لاماره‌كانیان تێكشكێنراون و زیاتر له‌ روبه‌ڕوبوونه‌وه‌كاندا 12 تیرۆرست كوژراون و لاشه‌یان به‌جێماوه‌، ئه‌مه‌ جگه‌ له‌وه‌ی ژماره‌یه‌كی زۆر چه‌ك و ته‌قه‌مه‌نیان لێ به‌جێماوه‌.

سه‌رچاوه‌كه‌ رونشیكرده‌وه‌: پێویسته‌ لایه‌نه‌ په‌یوه‌ندیداره‌كان به‌زووترین كات هاوكاری بگه‌یه‌ننه‌ سه‌ر چیای شه‌نگال له‌به‌ر ئه‌وه‌ی زیاتر له‌ سێێ هه‌زار خێزان له‌سه‌ر چیاكه‌ ماونه‌ته‌وه‌و كه‌سوكاری شه‌ڕڤانانن هه‌ر له‌منداڵ و ژن و پیاوی پیرو په‌ككه‌وته‌و نه‌خۆشی تیایه‌و خۆراك و كه‌ره‌سته‌ی پزیشكی  زۆر كه‌مه‌، بۆیه‌ ده‌بێت به‌په‌له‌ ئه‌و هاوكاریانه‌ ره‌وانه‌ بكرێت كه‌ بڕیاربووه‌ بگاته‌ ئه‌و خێزانانه‌ بۆ ئه‌وه‌ی كاره‌ساتی مرۆیی گه‌وره‌ روونه‌دات.

ئه‌و سه‌رچاوه‌یه‌ جه‌ختیشی كرده‌وه‌ كه‌ له‌هه‌مان كاتیشدا زۆر پێویسته‌ چه‌كی قورس و كه‌ره‌سته‌ی گرنگی جه‌نگی ره‌وانه‌ی سه‌ر چیاكه‌ بكرێت، چونكه‌ ئه‌گه‌ر ئه‌و هێزانه‌ی له‌سه‌ر چیاكه‌ن چه‌ك و ته‌قه‌مه‌نی باشیان هه‌بێت ئه‌وه‌ تیرۆرستان به‌ته‌واوی تێكده‌شكێنن.

PUKmedia سامان عه‌لی

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket