ژماره‌یه‌ك كورد له‌به‌رده‌م كۆشكی سپی مانده‌گرن

مانگرتنه كه تا ڕۆژی هه‌ینی 31-10-2014 به‌رده‌وامبێت ‌ ‌

ئه‌مڕۆ 29-10-2014 بۆ رۆژی دووه‌م مانگرتنی كوردانی واشنتۆن و ڤیرجینیا و مێریلاند به‌رده‌وام بوو.

ژماره‌یه‌ك له‌گه‌نجانی كوردی دانیشتووی واشنتۆن و ڤیرجینیا و مێریلاند، بۆ ڕۆژی دووه‌م به‌رده‌واده‌بن له‌مانگرتنی خواردن، له‌به‌رده‌م كۆشكی سپی-دا، له‌پێناو فشار خستنه‌ سه‌ر حكومه‌تی ئه‌مریكا و كۆمه‌ڵگه‌ی نێونه‌ته‌وه‌یی بۆ ڕزگاركردنی كچ و ژنه‌ ئێزیدی و كریستیانه‌كان كه‌ له‌لایه‌ن گروپه‌ تیرۆرستییه‌كانی(داعش)ه‌وه‌ رفێندران و بازرگانیان پێوه‌ ده‌كرێت، هاوكات بۆ زیاتر به‌ هاناوه‌چوونی ئاواره‌كان و یارمه‌تیدانیان.

 بڕیاره‌ ئه‌و مانگرتنه‌ی كوردانی واشنتۆن و ڤیرجینیا و مێریلاند، تا ڕۆژی هه‌ینی 31-10-2014 به‌رده‌وامبێت و به‌ خۆپیشاندانێكی فراوان كۆتایی پێبهێنرێت.

PUKmedia  عه‌بدول واحید دوكانی