كۆسره‌ت ره‌سوڵ پیرۆزبایی ساڵیادی دامه‌زراندنی رۆژنامه‌ی الاتحاد ده‌كات

كۆسره‌ت ره‌سوڵ بۆ رۆژنامه‌ی الاتحاد: كاركردن له‌ ئێوه‌و پشتگیری له‌ ئێمه‌

كۆسره‌ت ره‌سوڵ عه‌لی جێگری سكرتێری گشتی (ی.ن.ك) بروسكه‌یه‌كی پیرۆزبایی ئاڕاسته‌ی سه‌رجه‌م كارمه‌ندانی رۆژنامه‌ی (الاتحاد) ده‌كات و تێیدا ده‌ڵێت، یه‌كێتی له‌زۆربه‌ی بوارو لایه‌نه‌ ڕوناكبیری و مه‌عریفیه‌كاندا سه‌رقافڵه‌و ده‌سپێشخه‌رو پێشه‌نگ بووه‌.

ده‌قی بروسكه‌ی پیرۆزباییه‌كه‌...
به‌ڕێزان.. سه‌رنوسه‌رو ده‌سته‌ی نوسه‌ران و سه‌رجه‌م كارمه‌ندانی ڕۆژنامه‌ی (الاتحاد)
به‌ بۆنه‌ی یادی (22) ساڵه‌ی دامه‌زراندنی هه‌فته‌ نامه‌كه‌تان پیرۆزباییه‌كی گه‌رم له‌ خۆتان و یه‌كێتیی نشتمانیی و تێكڕای گه‌لی كورد ده‌كه‌م، ئه‌وه‌ی ڕون و ئاشكرایه‌ و سه‌رجه‌م دۆستان و نه‌یارانیش ناتوانن نكوڵی لێبكه‌ن كه‌ یه‌كێتیی نیشتمانیی كوردستان له‌ زۆربه‌ی بوارو لایه‌نه‌ ڕوناكبیری و مه‌عریفیه‌كاندا سه‌رقافڵه‌و ده‌سپێشخه‌رو پێشه‌نگ بوه‌، ده‌رچواندنی یه‌كه‌م ڕۆژنامه‌ی ڕۆژانه‌ ، دامه‌زراندنی یه‌كه‌م ته‌له‌فزیۆنی كوردی .....هتد .

ده‌رچواندنی هه‌فته‌نامه‌یه‌ك به‌ زمانی عه‌ره‌بی و به‌ر له‌ 22 ساڵ كاریگه‌رییه‌كی زۆر و له‌ ڕاده‌به‌ده‌ری هه‌بوو بۆ ناساندنی سیاسه‌ت و ڕوناكبیری و كه‌لتوری گه‌لی كورد به‌ خوێنه‌ران و نوسه‌ران و ڕوناكبیری عه‌ره‌ب .
ئێوه‌ له‌و كاره‌ جوامێرو پیرۆزه‌تاندا به‌رده‌وام بوون و دڵنیاشم و داواتان لێده‌كه‌م به‌ هه‌مان گیانی پێشمه‌رگانه‌وه‌ به‌رده‌وام بن له‌گه‌یاندنی په‌یامه‌كه‌تان، ئێمه‌ش پشتیوان و هاوكارتان ده‌بین .

دووباره‌ پیرۆزبێت یادی دامه‌زراندن و ده‌رچواندنی یه‌كه‌م ژماره‌ی ڕۆژنامه‌ی (الاتحاد)
 
كۆسره‌ت ڕه‌سوڵ عه‌لی
جێگری سكرتێری گشتی (ی.ن.ك)