ئاستی ئاوی دوكان 22 سم به‌رزبوه‌ته‌وه‌

زیاتر له‌ 84 ملم بارانباریوه‌و بوه‌ته‌ هۆی به‌رزبونه‌وه‌ی 22 سم ئاستی ئاوی دوكان

به‌هۆی ئه‌و شه‌پۆله‌ بارانبارینه‌ی رووی له‌ هه‌رێمی كوردستان به‌گشتی و قه‌زای دوكان به‌تایبه‌تی كرد له‌ ماوه‌ی چه‌ند رۆژی رابردوودا، ئاستی ئاوی ده‌ریاچه‌ی دوكان 22 سانتیمه‌تر به‌رزبووه‌ته‌وه‌.

ئه‌ندازیار محه‌مه‌د تاهیر جه‌لال به‌ڕێوه‌به‌ری به‌نداوی دوكان به‌ PUKmediaی راگه‌یاند: له‌ ماوه‌ی سێ رۆژی رابردوودا به‌هۆی ئه‌و شه‌پۆله‌ بارانبارینه‌ی رووی له‌ قه‌زای دوكان كردبوو، زیاتر له‌ 84 میلیمه‌تر بارانباریوه‌و بووه‌ته‌ هۆی به‌رزبوونه‌وه‌ی 22 سانتیمه‌تر ئاستی ئاوی ده‌ریاچه‌ی دوكان.

وتیشی: ئه‌گه‌رچی هێشتا زووه‌ بۆ به‌رزبوونه‌وه‌ی ئاستی ئاوی دوكان، به‌ڵام هیوادارین پێشبینییه‌كان راست ده‌ربچن و ئه‌مساڵ ساڵێكی باراناوی بێت، بۆ ئه‌وه‌ی بتوانین زۆرترین رێژه‌ی به‌رزبوونه‌وه‌ی ئاستی ئاوی دوكان تۆماربكه‌ین.

به‌ڕێوه‌به‌ری به‌نداوی دوكان راشیگه‌یاند: تائێستا به‌ به‌راورد له‌گه‌ڵ ساڵی رابردوو 4 مه‌تر ئاستی ئاوی دوكان دابه‌زیبوو، كه‌ له‌كۆی 7 ملیار مه‌تر سێجا زیاتر له‌ ملیارو نیوێكی تێدایه‌.

PUKmedia  شاڵاو ئه‌حمه‌د - دوكان