ته‌قینه‌وه‌یه‌ك به‌غدا ده‌هه‌ژێنێت

ژماره‌یه‌ك هاووڵاتی گیانیان له‌ده‌ستداوه‌و برینداربوون

سه‌رله‌به‌یانی ئه‌مڕۆ 19-9-2014، ئۆتۆمبێلێكی بۆمبڕێژكراو له‌ ناوچه‌ی كه‌راده‌، ته‌قیوه‌ته‌وه‌و ژماره‌یه‌ك هاووڵاتی گیانیان له‌ده‌ستداوه‌و برینداربوون.

سه‌رچاوه‌یه‌كی ئه‌منی به‌ PUKmedia ی راگه‌یاند: ئۆتۆمبێلێكی بۆمبڕێژكراو له‌نزیك چه‌ند چێشتخانه‌یه‌ك ته‌قیوه‌ته‌وه‌.

وتیشی: به‌هۆی ئه‌و ته‌قینه‌وه‌یه‌ 17 هاووڵاتی گیانیانله‌ده‌ستداوه‌و برینداربون.

جێی باسه‌ شه‌وی رابردوو، دوو ئۆتۆمبێلی بۆمبڕێژكراو له‌ ناوچه‌ی كازمیه‌ ته‌قینه‌وه‌و به‌هۆیانه‌وه‌ ژماره‌یه‌ك هاووڵاتی گیانیان له‌ده‌ستداو چه‌ند كه‌سێكیش برینداربوون، له‌هه‌مانكاتیشدا تیرۆرستان 15 هاوه‌ن-یان نا به‌ هه‌مان ناوچه‌وه‌و به‌هۆیانه‌وه‌ ژماره‌یه‌ك ئۆتۆمبێل سوتان.

PUKmedia   شه‌یما تاڵه‌بانی