جه‌له‌ولا.. 95%ی‌ دانیشتوان‌ ماڵ و حاڵی خۆیان جێهێشتوه‌

ئه‌و كه‌سانه‌ی تائێستا ناحیه‌كه‌یان جێنه‌هێشتوه‌ كه‌سانی‌ توندرِه‌ون يان ...

به‌رِێوه‌به‌ری ناحیه‌ی جه‌له‌ولا رایده‌گه‌یه‌نێت كه‌ به‌هۆی قبوڵ نه‌كردنی بیروباوه‌رِو ده‌سه‌ڵاتی تیرۆرستانی داعشه‌وه‌، تائێستا 95% ی‌ دانیشتوانی‌ ئه‌و شاره‌ ماڵ و حاڵی خۆیان جێهێشتوه‌.

ئه‌نوه‌ر حسێن، به‌رِێوه‌به‌ری‌ ناحیه‌ی‌ جه‌له‌ولا، به‌ PUKmediaی راگه‌یاند: له‌ ‌ئێستادا 95%ی‌ دانیشتوانی‌ ئه‌و ناحیه‌كه‌، ماڵ و حاڵی خۆیان جێهێشتوه‌و رویان له‌ شاره‌كانی دیكه‌ی‌ هه‌رێمی‌ كوردستان كردووه‌، هاوكات به‌ به‌رده‌وامی‌ چه‌كدارانی‌ داعش بۆردومان ده‌كرێن و هێزی پێشمه‌رگه‌ش ده‌روازه‌كانی‌ ناحیه‌كه‌ی‌ لێگرتون.

به‌رِێوه‌به‌ری‌ ناحیه‌ی‌ جه‌له‌ولا وتیشی‌: ئه‌و كه‌سانه‌ی تائێستا ناحیه‌كه‌یان جێنه‌هێشتوه‌ كه‌سانی‌ توندرِه‌ون یان ئه‌و كه‌سانه‌ن كه‌ پیرو په‌ككه‌وته‌‌و خاوه‌ن پێداویستی‌ تایبه‌تن.

ئه‌نوه‌ر حسێن ئاماژه‌ی به‌وه‌شكرد: كۆچكردنی‌ هاووڵاتیانی‌ جه‌له‌ولاو جێهێشتنی‌ ناحیه‌كه‌ له‌لایه‌ن دانیشتوانه‌كه‌یه‌وه‌ ترس نیه‌، به‌ڵكو قبوڵ نه‌كردن و ره‌تكردنه‌وه‌ی بیروباوه‌رِو ده‌سه‌ڵاتی‌ تیرۆرستانی داعشه‌.

PUKmedia  سامان یاروه‌یس