نوێكراوەتەوە.. فەرەنسا بڕیاری هێرشی ئاسمانیدا بۆ سەر داعش

هێزی وشكایی رەوانەی عیراق ناكەن

سەرۆكی فەرەنسا رایگەیاند رازامەندیان نیشانداوە لەسەر هێرشی ئاسمانی بۆ سەر تیرۆریستانی داعش لەعیراق و بەمنزیكانەش ئەنجامدەدرێت، بەڵام هێزی وشكایی رەوانەی عیراق ناكەن.

فرانسۆ هۆلاند سەرۆكی فەرەنسا لەكۆنگرەیەكی رۆژنامەوانیدا رایگەیاند: بەیانی ئەمڕۆ 2014/9/18 لەگەڵ ئەنجومەنی بەرگری وڵاتەكەی كۆبووەتەوەو بڕیاریانداوە وەڵامی  داواكاریی عیراق بدەنەوە بۆ پاڵپشتیكردنیان لەهێرشی ئاسمانی بۆ سەر  تیرۆریستانی داعش.

هۆلاند ئەوەشی رونكردوەتەوە كە یەكەم هێرشی ئاسمانی وڵاتەكەی بەمنزیكانە دەبێت و پەرلەمانی وڵاتەكەشی لەیەكەم هێرشی ئاسمانی ئاگادار دەكرێتەوە.
سەرۆكی فەرەنسا راشیگەیاند: ئامانجیان لەهێرشی ئاسمانی بۆ سەر تیرۆریستانی داعش گەرەنتی بۆ بەدەستهێنانی ئاسایشە لەڕێی لاوازكردنی تیرۆریستانەوە.

PUKmedia ئاژانسەكان