دیاله‌.. ئه‌بو ئه‌یمه‌ن ئه‌لمه‌غریبی كوژرا

ئه‌میرێكی داعش كوژرا

فه‌رمانده‌ی هێزه‌كانی پۆلیسی دیاله‌ هه‌واڵی كوشتنی گه‌وره‌ترین ئه‌میری داعش له‌سنوری دیاله‌ راده‌گه‌یه‌نێت.

لیوا روكن جه‌میل شومه‌یری فه‌رمانده‌ی هێزه‌كانی پۆلیسی دیاله‌ به‌  PUKmedia ی راگه‌یاند: سه‌رله‌به‌یانی ئه‌مڕۆ 18-9-2014 به‌هه‌ماهه‌نگی له‌گه‌ڵ سوپای عیراق و هێزی سوات توانرا له‌قه‌زای مقدادیه‌ گورزێكی كوشنده‌ له‌چه‌كداره‌كانی داعش بدرێت و گه‌وره‌ترین ئه‌میری داعش به‌ناوی(ئه‌بو ئه‌یمه‌ن المغربی) بكوژرێت كه‌ خه‌ڵكی وڵاتی مه‌غریبه‌ و ماوه‌یه‌كی زۆره‌ هێزه‌ ئه‌منییه‌كان به‌دوایدا وێڵن.

رونشیكرده‌وه‌: شه‌ڕه‌كه‌ له‌گوندی سنسل بووه‌ له‌قه‌زای مقدادیه‌و جگه‌ له‌و ئه‌میره‌ 22 چه‌كداری تری تیرۆرستان كوژراون كه‌ زۆرینه‌یان خه‌ڵكی دیاله‌ن و چه‌ند چه‌كدارێكی بیانیشیان تێدایه‌ .

فه‌رمانده‌یی هێزه‌كانی پۆلیسی دیاله‌ ئه‌وه‌شی خسته‌روو: له‌ناحیه‌ی مه‌نسوریه‌یش سه‌ركرده‌یه‌كی دیاری داعش به‌ناوی (سه‌فیان حاج ئه‌حمه‌د) كه‌ خه‌ڵكی به‌عقویه‌، له‌گه‌ڵ ژماره‌یه‌كی تری تیرۆرستان كوژراون.

PUKmedia سامان یاروه‌یس