بێ به‌رامبه‌ر كورسی خوێندن بۆ خوێندكارانی كه‌ركوك و ناوچه‌ دابڕێندراوه‌كان دابینده‌كرێت

.

 سه‌رۆكایه‌تی زانكۆی جیهان / سلێمانی، ژماره‌یه‌ك كورسی خوێندن تایبه‌ت ده‌كات به‌ خوێندكارانی كه‌ركوك و ناوچه‌ دابڕێندراوه‌كان.

سه‌رۆكایه‌تی زانكۆی جیهان / سلێمانی، له‌ نووسراوێكدا كه‌ بۆ وه‌زاره‌تی خویندنی باڵاو توێژینه‌وه‌ی زانستی-یان ناردووه‌، بڕیاریانداوه‌ به‌ ته‌رخانكردنی (25) كورسی خویندنی بێ به‌رامبه‌ر، له‌گه‌ڵ (50) كورسی تر به‌ داشكاندنی (50%) نرخی خوێندن بۆ ده‌رچووانی پۆلی شه‌شه‌می ئاماده‌یی كه‌ دانیشتووی كه‌ركوك و ناوچه‌ كوردستانییه‌كانی ده‌ره‌وه‌ی هه‌رێمی كوردستانن و له‌هه‌مانكاتدا خوێندنی ئاماده‌ییان له‌و ناوچانه‌ ته‌واو كردبێت.

له‌ به‌رامبه‌ردا د.یوسف گۆران وه‌زیری خوێندنی باڵاو توێژینه‌وه‌ی زانستی له‌ نووسراوێكدا به‌ژماره‌ (1092) سوپاس و پێزانینی وه‌زاره‌تی خوێندنی باڵاو توێژینه‌وه‌ی زانستی پێشكه‌شی سه‌رۆكایه‌تی زانكۆی جیهان / دهۆك كردووه‌، له‌ پای ته‌رخانكردنی ئه‌و ژماره‌ كورسیه‌ی خوێندن بۆ خوێندكارانی كه‌ركوك و ناوچه‌ كوردستانییه‌كانی ده‌ره‌وه‌ی هه‌رێم، هه‌روه‌ك هیواشی خواستووه‌ كه‌ نموونه‌ی ئه‌وجۆره‌ چالاكییانه‌ زیاتربێت بۆ زیاتر خزمه‌تكردن به‌ بواری زانست و پێگه‌یاندن له‌و ناوچانه‌.

PUKmedia  راگه‌یاندنی وه‌زاره‌تی خویندنی باڵاو توێژینه‌وه‌ی زانستی