بروسكه‌ی سكرتاریه‌تی هه‌ڤاڵ مام جه‌لال بۆ شه‌هیدبونی پۆلێك پێشمه‌رگه‌ی قاره‌مان

بروسكه‌ی سكرتاریه‌تی هه‌ڤاڵ مام جه‌لال

سكرتاریه‌تی هه‌ڤاڵ مام جه‌لال بۆ شه‌هیدبونی پۆلێك پێشمه‌رگه‌ی قاره‌مان له‌ وانه‌ شه‌هیدی فه‌رمانده‌  حه‌ربی كوخیی برای شه‌هیدی فه‌رمانده‌ عه‌لی كوخیی  و هاوڕێكانی و شه‌هیدی فه‌رمانده‌ عه‌مید شێخ سه‌ربه‌ست كانی هه‌نجیریی برای مامۆستا كه‌مال كه‌ له‌  سه‌نگه‌ره‌كانی به‌رگریی و به‌گژاچونه‌وه‌ی تێرۆریستان ی داعش  گیانی خۆیان به‌خت كرد پرسه‌ نامه‌ی ماته‌مینیی ئاڕاسته‌ی خانه‌واده‌و بنه‌ماڵه‌ سه‌ربه‌رزه‌كانیان كردوه‌ ئه‌مه‌ ده‌قه‌كه‌یه‌تی :

به‌ ناوی یه‌زدانی مه‌زن و میهره‌بانه‌وه‌

به‌ڕێزان خانه‌واده‌ و بنه‌ماڵه‌ی شه‌هیدانی فه‌رمانده‌  حه‌ربی كوخیی و و عه‌مید شێخ سه‌ربه‌ست و هه‌ڤاڵه‌كانیان به‌داخ و په‌ژاره‌ی زۆره‌وه‌ هه‌واڵی شه‌هید بونی  كاكه‌ حه‌ربیی و   كاك عه‌مید سه‌ربه‌ست و هه‌ڤاڵه‌كانیانمان پێگه‌یشت ، له‌جیاتی سه‌رۆك مام جه‌لال  پرسه‌و ماته‌مینی  قوڵتان ئاڕاسته‌ ده‌كه‌ین و  دڵمان له‌گه‌ڵ یه‌ك به‌یه‌كی خانه‌واده‌ و بنه‌ماڵه‌ و كه‌س وكاری سه‌ربه‌رزی ئه‌و پۆله‌ شه‌هیده‌دایه‌ .

ئه‌م ر یزه‌ نه‌مامه‌ی كه‌ ره‌گ و ریشه‌یان له‌ خاكی كوردستان داكوتا و گیانی خۆیان به‌خشیی به‌ كوردستانه‌كه‌یان ،بونه‌ رێبواری كاروانی شه‌هیدانی  رێگای پاراستنی دیموكراسیی ، فیدراڵیی ، رزگاریی ، ئازادیی و روناكیی   و به‌ خوێنی گه‌شیان باڵای كه‌ڵه‌گه‌تی دیموكراسیی و ئازادییان ئاودا و كردیانه‌ تیرێكی گورچكبڕ و  ناخی ره‌شیی تێرۆریسته‌كانی داعش و داڵده‌ده‌ر و هاوسۆز و به‌خێوكار و په‌روه‌رده‌كاره‌ دڵً ره‌شه‌كانیان كون كرد ، كه‌ مه‌رامیانه‌ ئه‌م ئه‌زمونه‌(به‌خوێن و پڕ له‌ ژانی گه‌ل  و ده‌رده‌سه‌رییه‌زۆره‌ به‌دیهاتوه‌ )، به‌ ناوی جۆراو جۆر  و ترس و تۆقاندن  له‌ ناوببه‌ن . به‌ڵام شێره‌ كوڕانی وه‌ك ئه‌م پۆله‌ شه‌هیده‌ داستانه‌كانی رابردوی پێشمه‌رگه‌یان  له‌ سه‌نگه‌ره‌كانی به‌رگرییدا دوباره‌ كرده‌وه‌ و ئه‌وه‌تا سه‌ركه‌وتن له‌ دوای سه‌ركه‌وتن تۆمار ده‌كرێت كه‌ خوێنی ئه‌م پۆله‌ شه‌هیده‌  لاپه‌ڕه‌یه‌كی تری ئه‌و سه‌ركه‌وتنانه‌ی تۆمار كردوه‌ .

نه‌مری و سه‌ربه‌رزی  بۆ شه‌هیدانی فه‌رمانده‌ كاكه‌ حه‌ربی كوخیی و  و عه‌مید شێخ سه‌ربه‌ست كانی هه‌نجیره‌یی و هه‌ڤاڵه‌كانیان .
مه‌رگ  و نه‌مان بۆ تێرۆریستان .

سكرتاریه‌تی هه‌ڤاڵ سكرتێری گشتیی (ی.ن.ك)

PUKmedia