riklam

پێشمه‌رگه‌ دێرینه‌كان هه‌میشه‌ كوڕی مه‌یدانی روبه‌ڕوبوونه‌وه‌ن

kurdistani 07:31 PM - 2014-09-01
لیژنه‌ی میونشن به‌ هه‌ماهه‌نگی له‌گه‌ڵ لیژنه‌ی نۆرنبێرگ كۆبوونه‌وه‌

لیژنه‌ی میونشن به‌ هه‌ماهه‌نگی له‌گه‌ڵ لیژنه‌ی نۆرنبێرگ كۆبوونه‌وه‌

به‌ مه‌به‌ستی پشتگیری و هاوكاری و به‌رز راگرتنی هێزی پێشمه‌رگه‌ی كوردستان له‌ روبه‌ڕوبوونه‌وه‌ی هێرش و په‌لاماری تیرۆرستانی ده‌وڵه‌تی ئیسلامی و ده‌ربڕینی هه‌ستی پێشمه‌رگانه‌و هاوسۆزی بۆ به‌ره‌كانی شه‌ڕو كه‌سوكاری شه‌هیدان، رۆژی 31-8-2014 به‌ سه‌رپه‌رشتی كۆمیته‌ی ئه‌ڵمانیای پێشمه‌رگه‌ دێرینه‌كان، لیژنه‌ی میونشن به‌ هه‌ماهه‌نگی له‌گه‌ڵ لیژنه‌ی نۆرنبێرگ كۆبوونه‌وه‌یه‌كیان ئه‌نجامدا.

له‌ كۆبوونه‌وه‌كه‌دا، دوای رێزلێنان له‌ گیانی پاكی شه‌هیدانی كوردستان، له‌ میانه‌ی وته‌یه‌كدا ئاوات مۆریاسی به‌رپرسی لیژنه‌ی میونشن وێڕای به‌خێرهێنان، ئامانجی كۆبوونه‌وه‌كه‌و به‌رنامه‌ی دانیشتنه‌كه‌ی خسته‌ڕوو، روونیشیكرده‌وه‌ كه‌ ئه‌مڕۆ گه‌له‌كه‌مان له‌ ساته‌وه‌ختێكی زۆر هه‌ستیاردا ده‌ژی و ئه‌وه‌ی كه‌ راسته‌وخۆش روبه‌ڕووی ده‌بێته‌وه‌، هێزی پێشمه‌رگه‌ی قاره‌مانه‌، بۆیه‌ ده‌كرێت قسه‌ له‌سه‌ر ئالیه‌تی جۆری هاوكاری و به‌شداریكردن له‌ به‌هێزكردنی سه‌نگه‌ری به‌رگری و تێكشكاندنی داعشه‌كاندا بكه‌ین، هه‌روه‌ها ئاماژه‌شی به‌ چه‌ند كۆبوونه‌وه‌یه‌كی پێشووتری لیژنه‌ی میونشن و كۆمه‌ڵه‌ی پێشمه‌رگه‌ دێرینه‌كان كرد به‌ مه‌به‌ستی تاووتوێكردنی ئه‌وپرسه‌.

دواتر نه‌هرۆ كه‌ریم كارگێڕی كۆمه‌ڵه‌ی پێشمه‌رگه‌ دێرینه‌كانی كوردستان له‌ ئه‌ڵمانیا وته‌یه‌كی پێشكه‌شكردو تیایدا هه‌لومه‌رجی روبه‌ڕوبوونه‌وه‌و قاره‌مانێتی هێزی پێشمه‌رگه‌ی كوردستانی له‌ به‌ره‌كانی شه‌ڕدا خسته‌ڕوو و ستایشی هه‌ڵوێستی جوامێرانه‌ی پێشمه‌رگه‌ دێرینه‌كانی كرد، دووپاتیشیكرده‌وه‌ كه‌ هه‌میشه‌ پێشمه‌رگه‌ له‌هه‌ركوێ بێت به‌رگری له‌ نیشتمانی ده‌كات و مێژوو و سه‌روه‌رییه‌كانیش سه‌لماندیان كه‌ به‌ خوێنی هه‌زاران له‌ تێكۆشه‌رانی ئازادیان نه‌خشاند.

له‌ كۆتایی وته‌كه‌یدا داوایكرد كه‌ ئه‌ندامانی كۆمه‌ڵه‌ی پێشمه‌رگه‌ دێرینه‌كانی كوردستان به‌هه‌ر شێوه‌یه‌ك بۆیان ده‌كرێت كۆمه‌ك و هاوكاری وه‌ك به‌شێك له‌ ئه‌رك و به‌رپرسیارێتی بگرنه‌ ئه‌ستۆی خۆیان و به‌ تێگه‌یشتن له‌ كه‌می ده‌رفه‌تی به‌شداربوون له‌ ناوه‌وه‌ی كوردستان و ئه‌و ئاسته‌نگانه‌ی كه‌ له‌ ده‌ره‌وه‌ دێنه‌پێش، داواشیكرد به‌ شێوه‌ی ئاره‌زوومه‌ندانه‌ ویژدانی خۆیان رازی بكه‌ن و هاوكاری خۆیان بگه‌یه‌نن.

هه‌مانكات بایز عه‌بدولڕه‌حمان به‌رپرسی لیژنه‌ی نۆرنبێرگی پێشمه‌رگه‌ دێرینه‌كان په‌یامی لقی ده‌ره‌وه‌ی كۆمه‌ڵه‌ی پێشمه‌رگه‌ دێرینه‌كانی خوێنده‌وه‌ كه‌ ئاڕاسته‌ی كۆمیته‌و لیژنه‌كانی ده‌ره‌وه‌ی كردبوو، دوای گفتوگۆو بیروڕا گۆڕینه‌وه‌ په‌یامه‌كه‌ په‌سه‌ندكراو به‌پێی ئالیه‌تێكی گونجاو رێنمایی و راسپارده‌كان سه‌باره‌ت به‌ كۆمه‌ك و هاوكاری جێبه‌جێكران.

له‌ كۆبوونه‌وه‌كه‌داو له‌سه‌ر داوای لیژنه‌ی میونشن، پێشمه‌رگه‌و كادری دێرین (قاره‌مان عه‌سكه‌ری) پانۆرامایه‌كی له‌سه‌ر ره‌وشی سیاسی و هه‌لومه‌رجی ناوچه‌كه‌و كوردستان و عیراق و ده‌وڵه‌تانی ئیقلیمی و سیناریۆكان پیشكه‌شكردو خوێندنه‌وه‌یه‌كی شیكاری بۆ ئه‌گه‌رو پێشهاته‌كان خسته‌ڕوو.

له‌ به‌شێكی تری باسه‌كه‌یدا قاره‌مانێتی هێزی پێشمه‌رگه‌و روبه‌ڕوبوونه‌وه‌ی به‌رامبه‌ر به‌ داعش خسته‌ڕوو، خۆڕاگری گه‌له‌كه‌مان و هێزی پێشمه‌رگه‌شی به‌ هێمای زیندوێتی و خۆڕاگری گه‌له‌كه‌مان وه‌سفكردو وتی: پێشمه‌رگه‌ دێرینه‌كانی كوردستان له‌هه‌ركوێ بن كوڕی رۆژانی سه‌خت و ئاماده‌ی هه‌موو ئه‌رك و به‌رپرسیارێتی و فه‌رمانێكن.

PUKmedia  پێشمه‌رگه‌ دێرینه‌كان له‌ ئه‌ڵمانیا

363019192014_DSC00102.jpg

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket