فاروقی مەلا مستەفا: گەشبینم بەداهاتووی ئابووریی كوردستان
kurdistani 12:31 PM - 2014-08-30فاروقی مەلا مستەفا
چیرۆكی سەركەوتنی سەرمایەدارێك
فاروقی مەلا مستەفا: گەشبینم بەداهاتووی ئابووریی كوردستان
فاروقی مەلا مستەفا سەرۆكی ئەنجومەنی گروپی كۆمپانیاكانی فاروق، لەچاوپێكەوتنێكیدا لەگەڵ ئاژانسی ئەنادۆڵ، باس لەسەرەتای دەستپێكردنی كاری بازرگانی خۆیو پڕۆژەكانی ئێستاو داهاتوو، لەگەڵ قەیرانی دارایی هەرێم دەكات.
فاروقی مەلا مستەفا سەرمایەدارێكی دیاری كوردستانو عیراقە. ئەو بۆ یەكەمجار لەساڵی 1999 هێڵی مۆبایلی هێنایە عیراقەوەو خەونەكەی بووە راستی كە لەنەخۆشخانەیەكی ئەڵمانیاو لەكاتی نەخۆشكەوتنیدا خەونی پێوە دەبینی كە بتوانێ مۆبایل بهێنێتە كوردستانەوە.
سەرمایەكەی دوو ملیارو 700 ملیۆن دۆلارە
ئەو سەرمایەدارە دەرچووی كۆلێژی بازرگانی بەغدایەو ساڵانی شەستەكان پەیوەندی بەحزبی شیوعی عیراقەوە كردووە، دواتر چۆتە ناو كاری بازرگانیو لەبارەی سەرەتای كاری بازرگانی خۆیەوە دەڵێ:»دوای شكستی شۆڕشی ساڵی 1975 گەڕامەوە ناو شارو لەكارێكی بچووكەوە دەستم پێكرد، ئەو كات بەپارەی خەڵكو بەنیوەیی كارم دەكردو پیشەو جۆری ئیشەكانم بەردەوام دەگۆڕی تاگەیشتینە ئەو پڕۆژانەی ئێستا هەیە».
ئەو بەئومێدەوە بۆ داهاتوو دەڕوانێو لەكاتی دەستبردن بۆ كارو پڕۆژەیەك بیر لەترسو شكست ناكاتەوە. «لەجانتایەكی دەستی پەیوەندییەوە كە بە 15 هەزار دۆلار كڕیم دەستم پێكرد، تاگەیشتە كۆمپانیای ئاسیاسێل كە ژمارەی بەشداربووانی لەسەرتاسەری عیراقدا گەیشتۆتە زیاتر لە 12 ملیۆن كەس».
زیاتر لە 40 هەزار كەس لەگروپی كۆمپانیاكانی فاروق-دا كار دەكەن. فاروقی مەلا مستەفا كە سەرمایەكەی دوو ملیارو 700 ملیۆن دۆلارەو وەك خۆی دەڵێ زۆربەی سەرمایەكەی لەكاردایە، بەو پڕۆژە گەورانەوە ناوەستێو سەرقاڵی چەند پڕۆژەیەكی گەورەترە كە بەمزوانە دەستپێدەكات. «گەورەترین كارگەی دروستكردنی ئاسن لەعیراق، كارگەی دروستكردنی ئەلەمنیۆم، كارگەی دروستكردنی دەرمان، پڕۆژەیەكی گەورەی گەشتیاری كە بریتییە لەشاری گەشتوگوزاری دوكان».
دیراسە بۆ پڕۆژەكانی حكومەت ناكرێت
بەڕێوەبەری كۆمپانیای فاروق گرووپ ئاماژە بەوە دەكات، كە جەلال تاڵەبانی سكرتێری گشتی یەكێتیی نیشتمانیی كوردستان كە لەساڵی 1968ەوە دۆستایەتییان هەبووە، پشتیوانی تەواوی لێكردووە بۆ ئەنجامدانی پڕۆژەكانیو حكومەتی هەرێمیش رێگری لەپڕۆژەكانی نەكردووە.
فاروقی مەلا مستەفا دەڵێ:»لەئەنجامدانی پڕۆژەكانیدا بەردەوام بەپلانو لێكۆڵینەوە كار دەكات، لەهەمان كاتدا رەخنە لەحكومەتی هەرێم دەگرێ كە بیر لەپڕۆژەكان ناكاتەوە. »حكومەتی هەرێم پڕۆژەكانیان بەشێوەیەكی دیراسەكراو نییە بەوەی بەپێی پێویستی مۆڵەت بدرێتە پڕۆژەكان، بۆخۆم گرنگیم داوە بەو پڕۆژانەی كە بایەخو سوودی هەبێ بۆ بەرهەمهێنانو كەم كردنەوەی بێكاری لەوڵاتەكەدا».
پڕۆژەكانی فاروق گروپ زیاتر لەسلێمانیدایەو هۆكارەكەی روون دەكاتەوە، «سلێمانی پێویستی بەپڕۆژەكانی ئێمە هەیەو خۆم لەم شارە لەدایك بوومو گەورە بوومو خوێندومە، سلێمانی زیاتر پێویستی بەپڕۆژە هەیەو دوای یەكگرتنەوەی هەردوو ئیدارەی حكومەت هەموو دەزگاكان برانەوە هەولێر، بەو هۆیەوە بۆ كارێكی سادە دەبێ بچیتە هەولێرو رۆتیناتی زۆر هەیە ئەوەش رێگرە لەپێشكەوتنی دەزگاكانی حكومەتو پڕۆژەكانو هۆكارێكیشە بۆ گەندەڵی».
پێدانی قەرز بەحكومەت
ئەو داوا دەكات لەو دۆخو قەیرانە داراییەی كوردستاندا كە ماوەی هەشت مانگە بەردەوامی هەیە، سەرمایەدارو وەبەرهێنەرەكان كۆمەكو هاوكاری پێشمەرگە بكەنو قەرز بدەنە حكومەت.
كۆمپانیاكانی فارق بێبەش نەبوون لەئاڵۆزییەكانی ئێستای عیراقو تایبەت شەڕی دژی داعش. بەهۆی ئەو دۆخەی داعش لەعیراقو كوردستان خولقاندویەتی، لەدوو كارگەی چیمەنتۆ كارگەیەكیان راگرتووە. هەروەها هۆتێلێكی تری گەورەیان داخستووە.
فاروقی مەلا مستەفا ناسراوە بەوەی لەبواری خێرخوازیدا دەستێكی باڵای هەیەو لەوەسێتنامەیەكدا بۆ خێزانەكەی داوای لێكردون بەهەمان رێگەی خۆی بڕۆنو بەشێكی سەرمایەكەی بۆ كاری خێرخوازی تەرخان بكەن. ئەو دەڵێ:»چەندین رێگام هەیە بۆ كاری خێرخوازیو وەسێتی من بۆ خێزانو منداڵەكانم ئەوەیە بەهەمان رێگادا بڕۆن، چونكە كفن نەقاسەی هەیەو نەگیرفانی هەیە».
ئەو سەرمایەدارە سەرەڕای بەردەوامی قەیرانی دارایی هەرێم، بەگەشبینییەوە لەئایندەی ئابووریی هەرێم دەڕوانێو دەڵێ:»داهاتوی ئابووریی كوردستان گەشەدار دەبێ، چونكە وڵاتەكەمان دەوڵەمەندەو توانای زۆری تێدایە».
PUKmedia له كوردستانی نوێ-وه
هەواڵی زیاتر
-
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
01:47 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
کوردستان 09:14 AM - 2024-04-24 -
پرسەنامەی قوباد تاڵەبانی بۆ خانەوادەی شێخ محەمەد عەزیز رەسوڵ
پرسەنامە 09:16 PM - 2024-04-23 -
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
کوردستان 07:37 PM - 2024-04-23