riklam

مژده‌یه‌ك بۆ ئه‌و مامۆستایانه‌ی ده‌یانه‌وێت بخوێنن

kurdistani 05:48 PM - 2014-08-27
به‌شی زانستی گشتی ده‌كرێته‌وه‌

به‌شی زانستی گشتی ده‌كرێته‌وه‌

بڕیاره‌ بۆ ساڵی خونێدنی 2014 – 2015 زانكۆی راپه‌ڕین خوێندنی ئێواران له‌ به‌شی زانستی گشتی بكاته‌وه‌، له‌م به‌شه‌دا ته‌نها مامۆستایانی خوێندنگاكانی وه‌زاره‌تی په‌روه‌رده‌ له‌ سنووری هه‌ردوو به‌ڕێوبه‌رایه‌تی په‌روه‌‌رده‌ی پشده‌ر و بتوێن ده‌توانن درێژه‌ به‌خوێندن بده‌ن.

دوای هه‌وڵ و ماندوبوونێكی زۆری یه‌كێتی مامۆستایان و زانكۆی ڕاپه‌ڕین/فاكه‌ڵتی په‌روه‌رده‌ی بنه‌ڕه‌ت، بڕیار درا به‌كردنه‌وه‌ی به‌شی زانستی گشتی ‌له‌ فاكه‌ڵتی په‌روه‌رده‌ی بنه‌ڕه‌ت بۆ خوێندنی ئێواران، بۆ ئه‌و مه‌به‌سته‌ش زانكۆی راپه‌ڕین ئاگاداری سه‌رجه‌م مامۆستایانی خوێندنگاكانی وه‌زاره‌تی په‌روه‌رده‌ له‌ سنووری هه‌ردوو به‌ڕێوبه‌رایه‌تی په‌روه‌‌رده‌ی پشده‌ر و بیتوێن ده‌كاته‌وه‌‌، ئه‌وانه‌ی خوازیارن‌ درێژه‌ به‌ خوێندن بده‌ن ده‌توانن له‌ ڕێكه‌وتی 26-8-2014 بۆ ماوه‌ی ‌10 رۆژ تا 4-9-2014 سه‌ردانی فاكه‌ڵتی په‌روه‌رده‌ی بنه‌ڕه‌ت بكه‌ن به‌ مه‌به‌ستی وه‌رگرتنی فۆڕم، كه‌ ته‌نیا ده‌رچوانی لقی زانستی و هاوتاكانی ده‌توانن فۆرم بۆ به‌شی ناوبراو پڕ بكه‌نه‌وه‌.

زانكۆی راپه‌رین دیاری كابینه‌ی شه‌شه‌می حكومه‌تی هه‌رێمی كوردستان بوو بۆ ده‌ڤه‌ری راپه‌رین، له‌سه‌ره‌تادا زانكۆی راپه‌ڕین له‌ چه‌ند كۆلێژێكی كه‌م پێكهاتبوو، به‌ڵام به‌هه‌وڵ و هیمه‌تی مامۆستایانی زانكۆ توانرا په‌ره‌ به‌ فراوانبوونی زانكۆكه‌ بدرێت و له‌ ئێستاشدا به‌نیازی كردنه‌وه‌ی به‌شێكی نوێن.

PUKmedia ئاری مسته‌فا-رانیه‌

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket