riklam

سلێمانی.. دانیشتوانی گوندی ئه‌ڵمانی دوو گردبونه‌وه‌یان ئه‌نجامدا

kurdistani 05:44 PM - 2014-08-22
رێگری له‌په‌یامنێرانی ته‌له‌فزیۆنی ئاسمانی گه‌لی كوردستان كرا

رێگری له‌په‌یامنێرانی ته‌له‌فزیۆنی ئاسمانی گه‌لی كوردستان كرا

دانیشتوانی گوندی ئه‌ڵمانی دوو، له‌به‌رامبه‌ر كه‌می خزمه‌تگوزارییه‌كانیان گردبونه‌وه‌یه‌كيان ئه‌نجامدا و له‌لایه‌ن پاسه‌وانه‌كانی گوندی ئه‌ڵمانیشه‌وه‌ رێگری له‌ تيمی ته‌له‌فزیۆنی ئاسمانی گه‌لی كوردستان كراو رێگه‌یان پێنه‌درا رۆماڵی داواكاری دانیشتوانی گوندی ئه‌ڵمانی بكه‌ن.

رێكه‌وت زه‌كی ئه‌ندامی ئه‌نجومه‌نی پارێزگای سلێمانی به‌ PUKmedia ی راگه‌یاند: ئه‌مڕۆ 22-8-2014 له‌لایه‌ن دانیشتوانی گوندی ئه‌ڵمانی دووه‌وه‌ له‌شاری سلێمانی ئاگاداركرایه‌نه‌وه‌ كه‌ سه‌عات 4 ی عه‌سر، گربوونه‌وه‌ ئه‌نجامده‌ده‌ن، هه‌روه‌ها ئاگاداریشیان كردینه‌وه‌ كه‌پێیان باشه‌ ئه‌ندامانی ئه‌نجومه‌نی پارێزگای سلێمانیش ئاگاداری گردبونه‌وه‌كه‌بن و ئه‌وان داواكانیان بگه‌یه‌ننه‌ لایه‌نی په‌یوه‌ندیدار.

 وتیشی: له‌ دوای ئه‌وه‌ی كه‌ چووینه‌ شوێنی گردبونه‌وه‌كه‌ ده‌ركه‌وت كه‌ دانیشتوانی گوندی ئه‌ڵمانی دوو مانگانه‌ بڕی 40 دۆلار، ده‌ده‌نه‌ كۆمپانیای نالیا، له‌ به‌رامبه‌ر پێشكه‌شكردنی خزمه‌تگوزارییه‌كان، به‌ڵام وه‌ك خۆیان ده‌یان گوت له‌ئێستادا مانگانه‌ 70 دۆلاریان لێ وه‌رده‌گرن، به‌ڵام هیچ خزمه‌تگوزارییه‌كیان پێشكه‌ش ناكرێت له‌ لایه‌ن كۆمپانیای نالیاوه‌ .

 راشیگه‌یاند: ئێمه‌ وه‌ك ئه‌ندامانی ئه‌نجومه‌نی پارێزگای سلێمانی داواكارییه‌كانمان له‌خۆپیشانده‌ران وه‌رگرت و به‌ڵێنمان پێدان كه‌ به‌ دواداچوون بۆ كێشه‌كانیان بكه‌ین و نه‌هێڵن له‌لایه‌ن كۆمپانیای ناوبراوه‌وه‌ غه‌دریان لێبكرێت.

جێگای ئاماژه‌یه‌، ته‌له‌فزیۆنی ئاسمانی كه‌ناڵی گه‌لی كوردستان بۆ مه‌به‌ستی رۆماڵكردنی رووداوه‌كه‌، ویسیان بچنه‌ شوێنی گردبوونه‌وه‌كه‌، به‌ڵام له‌لایه‌ن پاسه‌وانه‌كانی گوندی ئه‌ڵمانییه‌وه‌ رێگریان لێكراو رێگه‌یان نه‌دا كه‌ ده‌نگی دانیشتوانی گوندی ئه‌ڵمانی دوو له‌ رێگه‌ی راگه‌یاندنه‌وه‌ بگه‌یه‌ننه‌ لایه‌نی په‌یوه‌ندیدار.


PUKmedia دیار ستار  

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket