سه‌نگاوی: داعش دووباره‌ په‌نای بۆ ناو ماڵه‌كانی جه‌له‌ولا بردوه‌

سه‌نگاوی: داعش ووره‌ی به‌رامبه‌ر پێشمه‌رگه‌ روخاوه‌

فه‌رمانده‌ی گشتی هێزه‌كانی پێشمه‌رگه‌ له‌میحوه‌ری گه‌رمه‌سێر رایگه‌یاند، له‌به‌ره‌به‌یانی ئه‌مڕۆوه‌ هێزه‌كانی پێشمه‌رگه‌ له‌ چه‌ند لایه‌كه‌وه‌ بۆردومانی چه‌كداره‌تیرۆرسته‌كانی داعشیان كردوه‌، له‌ئه‌نجامی ئه‌و بۆردمان و هێرشانه‌ی هێزه‌كانی پێشمه‌رگه‌ توانیمان چه‌ندین ناوچه‌ له‌تیرۆرستان پاك بكه‌ینه‌وه‌.

مه‌حمود سه‌نگاوی فه‌رمانده‌ی گشتی هێزه‌كانی پێشمه‌رگه‌ له‌میحوه‌ری گه‌رمه‌سێر به‌ PUKmedia ی راگه‌یاند: دوای ئه‌وه‌ی له‌به‌ره‌به‌یانی ئه‌مڕۆوه‌ هێزه‌كانی پێشمه‌رگه‌ له‌چه‌ند لایه‌كه‌وه‌ بۆردومانێكی چڕیان كرده‌ سه‌ر چه‌كداره‌تیرۆرسته‌كانی داعش، له‌ئه‌نجامی ئه‌و بۆردمان هێرشانه‌ توانیمان چه‌ندین گوندو ناوچه‌ له‌تیرۆرستان پاك بكه‌ینه‌وه‌.

وتیشی: هاووڵاتیانی هه‌رێمی كوردستان دڵنیا ده‌كه‌ینه‌وه‌ تا ده‌ستی تیرۆر له‌ ناوچه‌ كوردستانییه‌كانی ده‌ره‌وه‌ی هه‌رێمی كوردستان نه‌بڕین ناگه‌ڕێینه‌وه‌.
 راشیگه‌یاند: له‌ئێستادا چه‌كدارانی داعش دووباره‌ خۆیا خزاندۆته‌وه‌ ناو ماڵه‌كانی جه‌له‌ولا و له‌پاڵ ژن و ماڵ و هاووڵاتیانی بێتاواندا ده‌یانه‌وێت درێژه‌ به‌ شه‌ڕكردن بده‌ن.

PUKmedia سه‌فین ئه‌حمه‌د