فەلەستین و ئیسرائیل ئاگربەستی مرۆییان راگەیاند

لەماوەی 25 رۆژدا هەزارو 459 كەس كوژراون

بەرەزامەندی هەردوولایەنی ئیسرائیل و فەلەستین ئەمریكاو نەتەوەیەكگرتوەكان لەغەزە بۆ ماوەی 72 سەعات ئاگربەستی مرۆییان راگەیاند.

ئاگربەستە مرۆییەكەی نێوان لایەنەكانی فەلەستین و ئیسرائیل كە لەبەیانی ئەمڕۆوە دەستپێدەكات و لەلایەن ئەمریكاو نەتەوە یەكگرتوەكانەوە راگەیەنراوە، لەكاتێكدایە لەماوەی 25 رۆژی رابردوی شەڕی نێوان ئیسرائیل و لایەنەكانی فەلەستیندا لەغەزە هەزارو 459 كەس كوژراون و نۆ هەزاری تریش برینداربوون، سەرچاوەكانی هەواڵ ئەو ئامارەیان بڵاوكردوەتەوە.

جۆن كیری وەزیری دەرەوەی ئەمریكاو بان كیمۆن ئەمینداری گشتی نەتەوەیەكگرتوەكان لەبەیاننامەیەكی هاوبەشدا رایانگەیاندوە كە ئیسرائیل و لایەنی فەلەستینی رەزامەندبوون لەسەر راگەیاندنی ئاگربەستی مرۆیی بۆ ماوەی 72 سەعات.

PUKmedia ئاژانسەكان