سلێمانی.. سواڵكه‌ره‌كان ده‌ستگیرده‌كرێن

ده‌ستگیركردنی سواڵكه‌ره‌كان به‌رده‌وامی ده‌بێت

له‌لایه‌ن پۆلیسی چالاكییه‌ مه‌ده‌نییه‌كانه‌وه‌ سوڵكه‌ره‌كان ده‌ستگیرده‌كرێن و راده‌ستی دادگا ده‌كرێن.

ئاراس حامید لێپرسراوی راگه‌یاندنی پۆلیسی چالاكییه‌ مه‌ده‌نییه‌كان له‌سلێمانی به‌ PUKmedia ی رایگه‌یاند: دوای ئه‌وه‌ی له‌لایه‌ن قائیمقامیه‌تی قه‌زای مه‌ڵبه‌ندی سلێمانییه‌وه‌ ئاگادار كراینه‌وه‌ به‌مه‌ستی ده‌ستگیركردنی ئه‌و سواڵكه‌رانه‌ی كه‌بوونه‌ته‌ هۆی بیَزاركردنی هاووڵاتیان و دوكانداران، هێزه‌ی پۆلیسی چالاكییه‌مه‌مده‌نییه‌كان لیژنه‌یه‌كی پێكهێنا، له‌هه‌ر دوو ره‌گه‌زی نێر و مێ، بۆ مه‌به‌ستی ده‌ستگیر كردنی ئه‌و سواڵكه‌رانه‌.

وتیشی: له‌دوای ده‌ستگیركردنی ئه‌و سواڵكه‌رانه‌، ئێمه‌ راده‌ستی دادگایان ده‌كه‌ین و ده‌ستگیركردنیشیان به‌رده‌وامی ده‌بێت.

PUKmedia دیار ستار