سه‌نگاوی ستایشی وره‌ی پۆڵایینی پێشمه‌رگه‌ ده‌كات

مه‌حمود سه‌نگاوی سه‌نگه‌ره‌كانی پێشمه‌رگه‌ی به‌سه‌ركرده‌وه‌

ئه‌مڕۆ 17-7-2014 له‌ ناحیه‌ی جه‌له‌ولا له‌ گه‌ڕه‌كه‌كانی وه‌حده‌و ته‌جنید شه‌ڕو پێكادان له‌ نێوان هێزه‌كانی پێشمه‌رگه‌و چه‌كدارانی داعش ده‌ستیپێكرده‌وه‌، له‌و شه‌ڕه‌دا هێزه‌كانی پێشمه‌رگه‌ قاره‌مانانه‌ هێرشی تیرۆریستانیان تێكشكاندو چه‌ندین كوژراو و بریندار له‌ چه‌كدارانی داعشدا هه‌یه‌.

هاوكات مه‌حمود سه‌نگاوی فه‌رمانده‌ی گشتی هێزه‌كانی پێشمه‌رگه‌ له‌ میحوه‌ری خانه‌قین ئه‌مڕۆ له‌ سه‌ردانێكی مه‌یدانیدا سه‌نگه‌ره‌كانی پێشمه‌رگه‌ی به‌سه‌ركرده‌وه‌ له‌ به‌ره‌كانی شه‌ڕدا له‌ ناوچه‌كانی خورماتوو و جه‌له‌ولا.

له‌و سه‌ردانه‌دا مه‌حمود سه‌نگاوی له‌ ره‌وش و بارودۆخی هێزی پێشمه‌رگه‌و چۆنییه‌تی به‌ره‌نگاربونه‌وه‌ی قاره‌مانانه‌ی پێشمه‌رگه‌ی كۆڵییه‌وه‌و ستایشی هه‌ڵوێست و وره‌ی پۆڵایینی پێشمه‌رگه‌ی كرد.

PUKmedia هه‌ڵمه‌ت خانه‌قینی