riklam

كیمیابارانی هه‌ڵه‌بجه‌ ده‌برێته‌ مۆزه‌خانه‌ی مه‌كسیك

kurdistani 06:44 PM - 2014-04-20
به‌شی كاره‌ساتی هه‌ڵه‌بجه‌ ده‌كرێته‌وه‌

به‌شی كاره‌ساتی هه‌ڵه‌بجه‌ ده‌كرێته‌وه‌

به‌مه‌به‌ستی له‌ نزیكه‌وه‌ گفتوگۆكردن بۆ كردنه‌وه‌ی به‌شێك له‌ مۆزه‌خانه‌ی نێوده‌وڵه‌تی مه‌كسیك له‌سه‌ر كاره‌ساتی كیمیابارانی هه‌ڵه‌بجه‌، هانا جاف جێگری لێپرسراوی په‌نابه‌رانی مه‌كسیك به‌سه‌ردانێك گه‌شته‌ هه‌ڵه‌بجه‌و له‌لایه‌ن ئه‌ركان حه‌سه‌ن قائیمقامی هه‌ڵه‌بجه‌ و خدر كریم سه‌رۆكی شاره‌وانی و ئاراس عابید جێگری سه‌رۆكی كۆمه‌ڵه‌ی قوربانیان و سه‌رخه‌ێڵ غه‌فار به‌ڕێوبه‌ری مۆنۆمێنتی هه‌ڵه‌بجه‌وه‌ پێشوازی لێكرا.

پاش بینینی به‌شه‌كانی مۆنۆمێنته‌كه‌ له‌ كۆبوونه‌وه‌یه‌كدا ئامانجی پڕۆژه‌كه‌ی بۆ ئاماده‌بووان روونكردوه‌و رایگه‌یاند: دوای سێ جار له‌ ره‌تكردنه‌وه‌ی داواكه‌ی له‌ وڵاتی مه‌كسیك دواجار ره‌زامه‌ندی ده‌ربڕاوه‌ بۆ كردنه‌وه‌ی به‌شێك به‌ناوی هه‌ڵه‌بجه‌ له‌ مۆزه‌خانه‌كه‌داو له‌و ڕووه‌شه‌وه‌ داوای كرد هاوكاری بكرێت به‌ به‌ڵگه‌كانی كاره‌ساتی هه‌ڵه‌بجه‌ .

ئه‌ركان حه‌سه‌ن قائیمقامی هه‌ڵه‌بجه‌ش پشتگیرو پشتیوانی ئیداره‌ی هه‌ڵه‌بجه‌ی بۆ دووپاتكرده‌وه‌و هیوای خواست هه‌رچی زووه‌ ئه‌و پڕۆژه‌یه‌ ته‌واو بكرێت .

لای خوشیه‌وه‌ هانا جاف له‌ لێدوانێكی تایبه‌تدا به‌ PUKmedia ی راگه‌یاند: وڵاتی مه‌كسیك هه‌ڵ ده‌ستێت به‌ كردنه‌وه‌ی مۆزه‌خانه‌ی تایبه‌تی خۆی كه‌ به‌شێكی تایبه‌ته‌ به‌ كاره‌ساته‌ كۆمه‌ڵكوژیه‌ مرۆڤایه‌تیه‌كان ئێمه‌ش توانیومانه‌ ره‌زامه‌ندی وه‌رگرتنی به‌شێكی ئه‌و مۆزه‌خانه‌یه‌ وه‌ر بگرین بۆ ئه‌وه‌ی كاره‌ساتی هه‌ڵه‌بجه‌ش وه‌ك كاره‌ساتێكی كۆمه‌ڵكوژی له‌ مۆزه‌خانه‌كه‌دا پیشان بدرێت .

وتیشی: ئه‌م هه‌نگاوه‌ پێ ده‌چێت دوای بینینی له‌لایه‌نه وڵاتانی دیكه‌شه‌وه‌ دوای كردنه‌وه‌ی به‌شی هه‌ڵه‌بجه‌ له‌هه‌موو مۆزه‌خانه‌ نێوده‌وڵه‌تیه‌كاندا بكه‌ین، كه‌ ڕۆڵێكی گرنگی ده‌بێت به‌ ئاڕاسته‌ی زیاتر به‌ جینۆساید ناساندنی كاره‌ساته‌كه‌.

PUKmedia فه‌رحان حه‌مه‌خان –هه‌ڵه‌بجه‌

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket