گونده‌كانی سنوری چه‌مچه‌ماڵ روناك ده‌كرێنه‌وه‌

كاره‌با ده‌گه‌یه‌نرێته‌ 45 گوند

به‌بڕی 4 ملیۆن و 700 هه‌زار دۆلار له‌سه‌ر بودجه‌ی په‌ره‌پێدانی ناوچه‌ جیاجیاكان ئه‌مڕۆ پرۆژه‌ی كاره‌بای نیشتمانی 45 گوندی سنوری چه‌مچه‌ماڵ كرایه‌وه‌، قائیمقامی شاره‌كه‌ش رایده‌گه‌یه‌نێت له‌كۆتایی 2014 ته‌واوی گونده‌كانی سنوری چه‌مچه‌ماڵ كاره‌بای نیشتمانیان پێده‌گات .

ئامانج محه‌مه‌د قائیمقامی چه‌مچه‌ماڵ له‌وباره‌یه‌وه‌ به‌ PUKmedia ی  راگه‌یاند: یه‌كێك له‌به‌رنامه‌كانی ئیداره‌ی چه‌مچه‌ماڵ كه‌ به‌هاوكاری وه‌زاره‌تی كاره‌با جێبه‌جێده‌كرێت، گه‌یاندنی كاره‌بای نیشتمانیه‌ به‌ گونده‌كانی سنوری چه‌مچه‌ماڵ ئه‌و پرۆژه‌یه‌ش به‌شێوه‌یه‌كی باش كاری تێداكراوه‌.

وتیشی: له‌ئێستادا به‌شێكی زۆر له‌ گونده‌كان پرۆژه‌ی كاره‌باكه‌یان ته‌واو بوه‌ سود له‌كاره‌بای نیشتمانی وه‌رده‌گرن.

وتیشی: له‌ئاینده‌یه‌كی نزیكدا ته‌واوی ئه‌و پرۆژه‌كانی بواری گه‌یاندنی كاره‌با بۆ گونده‌كان ته‌واو ده‌كرێت و به‌ڵێنیش به‌ دانیشتوانی گونده‌كانی سنوری ئیداره‌ی چه‌مچه‌ماڵ ده‌ده‌ین تا كۆتای ساڵی 2014 ته‌واوی گونده‌كانی سنوره‌كه‌مان كاره‌بای نیشتمانیان پێده‌گه‌یه‌نین .

قائیمقامی چه‌مچه‌ماڵ باسی له‌وه‌یشكرد، له‌دوای گه‌یاندنی كاره‌بای نیشتمانی به‌گونده‌كان ژماره‌یه‌كی زۆر خێزان گه‌راونه‌ته‌وه‌ گونده‌كانی خۆیان .

PUKmedia هه‌ردی ئه‌بوبه‌كر