riklam

كۆمپانیای گۆگڵ چی ده‌رباره‌ی تۆ ده‌زانێت؟

kurdistani 02:04 PM - 2014-04-10
ره‌نگه‌ سه‌رسام بیت

ره‌نگه‌ سه‌رسام بیت

ئایا پێشتر پرسیارت له‌خۆت كردوه‌ گه‌وره‌ترین ئامرازی گه‌ڕانی ئینته‌رنێت له‌جیهاندا چی ده‌رباره‌ی تۆ ده‌زانێت؟ ره‌نگه‌ سه‌رسام بیت له‌و زانیارییه‌ زۆره‌ی كه‌ كۆمپانیای گۆگڵ ده‌رباره‌ی تۆ كۆیكردۆته‌وه‌ له‌و شوێنانه‌ی كه‌ رۆژێك له‌ڕۆژان تێیدا بوویت.

كۆمپانیای گۆگڵ له‌ڕێگه‌ی په‌یجی گۆگڵ داشبۆرد (Google Dashboard) زانیاری ده‌رباره‌ی گشت ئه‌و خزمه‌تگوزارییانه‌ی كه‌ گۆگڵ بۆی ئاماده‌كردویت و به‌شداریت تیاداكردوه‌ له‌وانه‌ ئیمه‌یڵی ئه‌لیكترۆنی و په‌یوه‌ندییه‌كانی قسه‌كردن كه‌ له‌ڕێگه‌ی به‌رنامه‌كانی گفتوگۆكردنی ئینته‌رنێت ئه‌نجامدراوه‌ له‌گه‌ڵ ئه‌وكه‌سانه‌ی كه‌ ناویان له‌ لیستی په‌یوه‌ندیكردنی تۆدا تۆماركراوه‌، جگه‌ له‌وه‌ش گۆگڵ لیستی مێژووی شوێنه‌كانی (Location History) ئاماده‌كردوه‌و زانیارییه‌كانی تۆی لای خۆیان تۆماركردوه‌ له‌باره‌ی ئه‌و شوێنانه‌ی كه‌ رۆژێك له‌ڕۆژان تێیدا بوویت، له‌گه‌ڵ هێڵی رۆشتنت له‌و رۆژه‌دا ئه‌مه‌ش به‌پشت به‌ستن به‌و زانیارییانه‌ی كه‌ كۆمپانیای گۆگڵ له‌ بورجه‌كانی په‌یوه‌ندیكردنی مۆبایل كۆیكردۆته‌وه‌ له‌باره‌ی ئه‌و په‌یوه‌ندییانه‌ی كه‌ رۆژانه‌ له‌ڕێگه‌ی ئه‌و بورجانه‌وه‌ ئه‌نجامدراوه‌.
هه‌روه‌ها به‌رنامه‌ی مێژووی گه‌ڕان (Search History) ئه‌و وشانه‌ كۆده‌كاته‌وه‌ كه‌ له‌سه‌ره‌تای به‌كارهێنانی به‌رنامه‌ی گه‌ڕانی گۆگڵ به‌دوایدا گه‌ڕاویت له‌گه‌ڵ ئه‌و وێنه‌و هه‌واڵ و نه‌خشه‌و رۆژمێرو ئاگاداركردنه‌وانه‌ی كه‌تێیدا تۆمارتكردوه‌.
له‌وه‌ش گرنگتر كۆمپانیای گۆگڵ ئه‌و زانیارییانه‌ تۆمار ده‌كات كه‌ له‌ڕێگه‌ی كارتی بانقیه‌وه‌ به‌كارتهێناوه‌ بۆ كڕینی ئه‌و پێداویستانه‌ی كه‌ گۆگڵ ریكلامی بۆ كردووه‌و سه‌رجه‌م پڕۆسه‌كانی كڕین و فرۆشتن كه‌ له‌ڕێگه‌ی گۆگڵه‌وه‌ ئه‌نجامتداوه‌ تۆماری ده‌كات.
هه‌روه‌ها ئه‌و گرته‌ ڤیدیۆییانه‌ ده‌بینێت كه‌ له‌ڕێگه‌ی یوتیوبه‌وه‌ به‌دوایدا ده‌گه‌ڕیێت یان له‌ لای خۆت داونلۆدی ده‌كه‌یت وه‌ ئه‌و په‌یجه‌ جۆری ئه‌و ئامێره‌ نیشانده‌دات كه‌ به‌كارتهێناوه‌، له‌گه‌ڵ ژماره‌ی ناساندنی ریزبه‌ندی ئامێره‌كه‌ت، هه‌ر له‌ڕێگه‌ی ئه‌و ژماره‌یه‌ گۆگڵ ده‌توانێت چاودێری ئامێری مۆبایل و خاوه‌نه‌كه‌ی بكات ته‌نانه‌ت له‌ كاتی گه‌شتكردن بۆ شوێنێكی ئه‌گه‌ر ئیشت به‌خزمه‌تگوزاری مۆبایل نه‌كردبێت یان له‌كاتی كڕینی سیم كارتێكی تردا له‌ كۆمپانیای خزمه‌تگوزاری مۆبایلی تره‌وه‌ چاودێریكردنی گۆگل له‌ رێگه‌ی به‌دواداچوونی ژماره‌ی ریزبه‌ندی مۆبایلی هۆشمه‌ند ئه‌نجامده‌درێت.
هه‌رچه‌نده‌ ئه‌م زانیارییانه‌ ته‌نها له‌لای به‌كارهێنه‌ر ده‌رده‌كه‌وێت، به‌ڵام ئه‌وه‌مان بۆ ئاشكراده‌كات كه‌ كۆمپانیای گۆگڵ زانیارییه‌كی زۆری ده‌رباره‌ی به‌كارهێنه‌ر كۆكردۆته‌وه‌، ئه‌و زانیارییانه‌ی كه‌به‌شێوه‌یه‌كی سه‌ره‌كی پشتی پێ ده‌به‌ستێت له‌ڕیكلامه‌كانیدا.
هه‌روه‌ها هه‌موو به‌شداربویه‌ك ده‌توانێت له‌ڕێگه‌ی په‌یجی (www.google.com/dashboard) ئه‌و زانیارییانه‌ ببینێت كه‌ گۆگڵ  له‌باره‌ی خۆی تۆماریكردوه‌و به‌شداربوو ده‌توانێت تۆماركردنی ئه‌و زانیارییانه‌ بوه‌ستێنێت له‌ڕێگه‌ی بژارده‌یه‌كه‌وه‌ كه‌ گۆگڵ بۆ به‌شداربووی خۆی ئاماده‌یكردوه‌.


سه‌رچاوه‌/  سكای نیوز
PUKmedia و/ عه‌بدول غه‌فار حسێن

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket