لە سلێمانی دابەشكردنی ئاو دەستپێدەكاتەوە

.

چەند رۆژێكە دابەشكردنی ئاو لە چەند گەرەكێكی شاری سلێمانی وەستاوە، ئەمەش ناڕەزایی زۆریی هاوڵاتیانی لێكەوتووەتەوە، بەرێوەبەری راگەیاندنی بەڕێوەبەرایەتی ئاوی سلێمانیش رایدەگەیەنێت، لە ئێستادا دابەشكردنی ئاو بەسەر هاووڵاتیاندا ئاسایی بووەتەوە.

ئامانج جەلال بەڕێوەبەری راگەیاندنی بەرێوەبەرایەتی ئاوی سلێمانی لە لێدوانێكدا بۆ PUKmedia  وتی: دابەشنەكردنی ئاو بەسەر ئەو گەڕەكانەی شاری سلێمانیدا بەهۆی پرۆژەی چاكسازی و پاككردنەوەی پرۆژەی یەك و دوو بوو لە لم.

وتیشی:  لە دوێنێوە دابەشكردنی ئاو بەسەر گەڕەكەكاندا ئاسایی بووەتەوە، كە بەپێی ئەو بەرنامەیە كە بەشی دابەشكردنی ئاو دایناوە دابەشدەكرێت .

ئامانج جەلال راشیگەیاند: سەرجەم گەڕەكەكانی شاری سلێمانی بە دوو رۆژ جارێك ئاویان بۆ بەردەدرێتەوە، بەڵام هەموو گەڕەكەكان لە یەك رۆژدا ئاویان بۆ بەرنادرێتەوە.

PUKmedia  تاژاو محەمەد