شۆفێری ماتۆڕ سكیلێك گیانی لەدەستدا

.

پۆلیسی گەرمیان رایگەیاند لەئەنجامی پێكدادانی ئۆتۆمبێلێك و ماتۆڕسكیلێك شۆفێری ماتۆڕسكیلەكە گیانی لەدەستداوە.

رائیدی مافپەروەر عەلی جەمال قدووری وتەبێژی پۆلیسی گەرمیان لە راگەیەنراوێكیدا كە وێنەیەكی گەیشتۆتە PUKmedia، رایگەیاند: ئێوارەی رۆژی هەینی لەگوندی سماق رووداوێكی پێكدادان لەنێوان ئۆتۆمبێلێك لەجۆری توێتاو ماتۆڕ سكیلێك رویدا.

رونیشیكردۆتەوە: لەئەنجامی رووداوەكەدا شۆفێری ماتۆڕ سكیلەكە بەناوی (دڵشاد نەجات محەمەد) لەدایكبووی 1991 دانیشتووی ناحییەی رزگاری گیانی لەدەستداوەو بەمەبەستی پشكنینیش تەرمەكەی رەوانەی پزیشكی دادوەری قەزای كەلار كراوە.

وتەبێژی پۆلسی گەرمیان دەشڵێت: شۆفێری ئۆتۆمبێلەكەش بەبڕیاری دادوەرو بەپێی مادەی 24ی هاتووچۆ بەندكراوە.

PUKmedia