وه‌فدێكی باڵای یه‌كێتیی ده‌چێته‌ به‌غدا

.

سبه‌ینێ وه‌فدێكی باڵای یه‌كێتیی نیشتمانی كوردستان به‌سه‌رۆكایه‌تی مه‌لا به‌ختیار ده‌چێنه‌ به‌غداو له‌گه‌ڵ لیسته‌ براوه‌كانی هه‌ڵبژاردنی په‌رله‌مانی عیراق كۆده‌بنه‌وه‌.

كاروان یاروه‌یس لێپرسراوی راگه‌یاندنی مه‌كته‌بی سیاسی (ی.ن.ك) رایگه‌یاندوه‌: سبه‌ینێ وه‌فدێكیی باڵای یه‌كێتی نیشتیمانی كوردستان به‌سه‌رۆكایه‌تی مه‌لابه‌ختیار به‌رپرسی ده‌سته‌ی كارگێر و به‌ئه‌ندامێتی رزگار عه‌لی ، خالید شوانی، فریاد ره‌واندزی، سه‌عدون فه‌یلی، ده‌گه‌نه‌ به‌غدا.

رونیشكراوه‌ته‌وه‌: به‌رنامه‌ی دیدار وكۆبوونه‌وه‌كانی وه‌فدی باڵای یه‌كێتی له‌گه‌ڵ حزب و لایه‌نه‌ سیاسیه‌كانی عێراق به‌تایبه‌تی لیسته‌ براوه‌كان ده‌ست پێ ده‌كات.

ئاماژه‌ به‌وه‌شدراوه‌: برِیاره‌ سه‌ردانه‌كه‌ دوو رۆژ بخایه‌نێت و دیدار و كۆبوونه‌وه‌كانیش له‌باره‌ی ده‌ره‌نجامه‌كانی ھه‌ڵبژاردن و گفتوگۆكان بۆ پێكھێنانی كابینه‌ی نوێی حكومه‌تی عێراق ده‌ست پێ بكات.

PUKmedia تایبه‌ت