نوێترین زانیاری له‌باره‌ی هێنانه‌وه‌ی ته‌رمی عادل موراد

.

ته‌رمی به‌ڕێز عادل موراد رۆژی 5 شه‌ممه‌ ده‌گاته‌ شاری به‌غدا و رۆژی هه‌ینیش ده‌گاته‌وه‌ شاری سلێمانی .

به‌هرۆز گه‌ڵاڵی نوێنه‌ری یه‌كێتی له‌ ئه‌نقه‌ره‌ به‌ PUKmedia ی راگه‌یاند: رۆژی 5 شه‌ممه‌ سه‌عات 10 و 30 ده‌قیقه‌ ته‌رمی كاك عادل موراد ده‌گاته‌وه‌ فرۆكه‌خانه‌ی به‌غدا و ئه‌گه‌ر فرۆكه‌ی تایبه‌ت ئاماده‌ بێت ئه‌وه‌ یه‌كسه‌ر ره‌وانه‌ی فرۆكه‌خانه‌ی سلێمانی ده‌كه‌ین و ئه‌گه‌ر ئامادده‌ نه‌بێت رۆژی هه‌ینی سه‌عات 8 ی به‌یانی ده‌گه‌ڕێته‌وه‌ فرۆكه‌خانه‌ی سلێمانی.

وتیشی: كه‌ من و ئاكۆ گه‌یلانی كه‌ هاورێی كاك عادل موراده‌ له‌گه‌ڵ ته‌رمه‌كه‌ ده‌بین.

ئاماژه‌ی به‌وه‌شكرد، به‌هۆی ئه‌وه‌ی له‌ ئه‌ڵمانیا پشووبوه‌ بۆیه‌ هه‌تا ئێستا كاری هێنانه‌وه‌كه‌ی دواكه‌وتوه‌.

PUKmedia تایبه‌ت