بۆ تانه‌ لێدان له‌ ئه‌نجامی هه‌ڵبژاردن ماوه‌ دیاری كرا

.

له‌لایه‌ن كۆمسیۆنی باڵای سه‌ربه‌خۆی هه‌ڵبژاردنه‌كانی عیراق ماوه‌ دیاری كرا بۆ ئه‌و لایه‌ن و قه‌وارانه‌ی كه‌ تانه‌یان له‌ باره‌ی ئه‌نجامی هه‌ڵبژاردنه‌وه‌ هه‌یه‌.

ریاز به‌دران سه‌رۆكی فه‌رمانگه‌ی ھه‌لبژاردن له‌ كۆمسیۆنی باڵای سه‌ربه‌خۆی ھه‌لبژاردنه‌كان رایگه‌یاندوه‌: له‌دوای راگه‌یاندنی ئه‌نجامی ھه‌ڵبژاردنه‌وه‌، ماوه‌ی سێ رۆژ بۆ ئه‌و قه‌واره‌ و لایه‌نه‌ سیاسییانه‌ دیاریكراوه‌ كه‌ ره‌خنه‌یان له‌ ئه‌نجامه‌كان ھه‌یه‌، ھه‌تا تانه‌كانیان سه‌باره‌ت به‌ ئه‌نجامه‌كان له‌ده‌سته‌ی دادوه‌ری تایبه‌ت به‌ ھه‌ڵبژاردنه‌كان تۆمار بكه‌ن.

ئاماژه‌ی بۆ ئه‌وه‌ش كردووه‌ كه‌ دوای لیكۆڵینه‌وه‌ له‌تانه‌كان و یه‌كلاییكردنه‌وه‌یان، كۆمسیۆن ئه‌نجامه‌كانی ھه‌ڵبژاردن ره‌وانه‌ی دادگای فیدراڵی ده‌كات بۆ ئه‌وه‌ی له‌لایه‌ن ئه‌و دادگایه‌وه‌ ئه‌نجامه‌كان په‌سه‌ند بكرێن.

PUKmedia