كۆمسیۆن: پاساوی یاسایی نییه بۆ به‌ده‌ست ھه‌ژماركردنه‌وه‌ی ده‌نگه‌كان ‌

.

كۆمسیۆنی باڵای سه‌ربه‌خۆی ھه‌ڵبژاردنه‌كانی عیراق رایگه‌یاند: ھیچ پاساوێكی یاسایی به‌دی ناكه‌ن بۆ ھه‌ژماركردنه‌وه‌ی ته‌واوی ده‌نگه‌كان به‌ ده‌ست.

ریاز به‌دران سه‌رۆكی فه‌رمانگه‌ی ھه‌ڵبژاردن له‌ كۆمسیۆنی باڵای سه‌ربه‌خۆی ھه‌ڵبژاردنه‌كانی عیراق رایگه‌یاند: تا ئێستا ھیچ پاساوێكی یاسایی شك نابه‌ن بۆ ھه‌ژماركردنه‌وه‌ی ئه‌نجامی ھه‌ڵبژاردنی 12 ی ئایار به‌ده‌ست.

وتیشی: یه‌كلاكردنه‌وه‌ی تانه‌و سكاڵاكان، گۆڕانكارییه‌كی ئه‌تۆ له‌ ئه‌نجامی ھه‌ڵبژاردن ناكات.

ئاماژه‌ی به‌وه‌شداوه‌، ژماره‌ی ده‌نگی لیست و كاندیده‌كان كه‌ له‌لایه‌ن حزب و قه‌واره‌ سیاسییه‌كانه‌وه‌ بڵاوكراونه‌ته‌وه‌، په‌یوه‌ندییان به‌ كۆمیسۆنه‌وه‌ نییه‌و ژماره‌و ئه‌نجامی راست و دروست نین.

PUKmedia ئاژانسه‌كانی عیراق