یەكێتی ئەنجامەكانی هەڵبژاردن تاووتوێ دەكات

.

كۆبوونەوەی مەكتەبی سیاسی یەكێتی بۆ تاووتوێكردنی ئەنجامی كۆتایی هەڵبژاردن و دەستپێكردنی گفتوگۆی لایەنەكان بۆ پێكهێنانی حكومەتی نوێی عیراق و یەكڕیزی لایەنە كوردستانییەكان و پەیامی سیاسی یەكێتی كۆتاییهات.

كاروان یاروەیس لێپرسراوی راگەیاندنی مەكتەبی سیاسی یەكێتیی نیشتمانیی كوردستان بە PUKmedia ی راگەیاند: لەكۆبوونەوەكەدا مەكتەبی سیاسی یەكێتیی نیشتمانیی كوردستان تاووتوێی دوا ئەنجامە رەسمییەكانی هەڵبژاردن و یەكڕیزی لایەنە كوردستانییەكان و دەستپێكردنی گفتوگۆ لەگەڵ لایەنەكان بۆ پێكهێنانی حكومەتی نوێی عیراق كردوە.

وتیشی: لەكۆبوونەوەكەدا وێڕای تەئكیدی كردنەوە لەسەر یەكڕیزو یەكهێزی نێو ماڵی كورد، یەكێی پەیامی سەرەكی بۆ سەرجەم لایەنەكانیش دەبێت بەتایبەت لایەنە كوردستانییەكان كە بەتیمێكی بەهێزو یەكگرتوەوە بەشداری لە شەڕی پەرلەمانی بكەن بۆ بەدەستهێنانی مافە رەواو نەتەوەییەكانی گەلەكەمان و هەورازخستنی بەرژەوەندی باڵای خەڵكی كوردستان.

كۆبوونەوەكەی مەكتەبی سیاسی یەكێتی بەسەر پەرشتی كۆسرەت رەسوڵ جێگری سكرتێری گشتی یەكێتی و ئەندامانی مەكتەبی سیاسی بەدەقیقەیەك وەستان بۆ گیانی پاكی نەوشیروان مستەفا و عادل موراد دەستیپێكرد.

PUKmedia تایبەت